വയനാട്ടുകാരന്റെ ഫോൺ നമ്പർ ഉപയോഗിച്ച് വാക്സിനെടുത്ത് ഗുജറാത്ത് സ്വദേശി…!
മാനന്തവാടി സ്വദേശിയായ യുവാവിന്റെ മൊബൈല് നമ്പര് ഉപയോഗിച്ച് ഗുജറാത്ത് സ്വദേശി വാക്സിനെടുത്തു. വിവരമറിയുന്നത് രണ്ടാം ഡോസിനായി ഫാേണിൽ മെസേജ് വന്നപ്പോൾ. ഗുജറാത്തത് വഡോധര ജില്ലയിലെ വാസവ ദാദുഭായ് അമറത്ഭായ് എന്ന വ്യക്തിയാണ് മാനന്തവാടി സ്വദേശി റോഷന്റെ മൊബൈല് നമ്പര് ഉപയോഗിച്ച് കോവിഷീല്ഡ് ആദ്യ ഡോസ് വാക്സിനെടുത്തത്. രണ്ടാം ഡോസ് എടുക്കാനായി ഫോണില് മെസ്സേജ് വന്നപ്പോഴാണ് തന്റെ മൊബൈല് നമ്പര് ഉപയോഗിച്ച് മറ്റൊരാള് വാക്സിന് എടുത്തതായി യുവാവിന് മനസ്സിലാകുന്നത്. 4 വര്ഷത്തോളമായി താന് ഈ നമ്പര് ഉപയോഗിക്കുന്നതായും, തന്റെ കൈവശമുള്ള മറ്റൊരു മൊബൈല് നമ്പര് ഉപയോഗിച്ചാണ് താന് വാക്സിനെടുത്തതെന്നും, യുവാവ് പറയുന്നു. ഇതുപ്രകാരം ജില്ലാ പോലീസ് മേധാവി, സൈബര് സെല്, ആരോഗ്യ വകുപ്പ് എന്നിവര്ക്ക് യുവാവ് പരാതി നല്കി. സമാന രീതിയില് കോഴിക്കോട് കൂമ്പാറ സ്വദേശിയായ കോവിഡ് വാക്സിന് സ്വീകരിക്കാത്ത യുവാവിന് ഹരിയാനയില് നിന്നും വാക്സിന് സ്വീകരിച്ചതായി മെസേജ് വന്നിട്ടുണ്ട്.
Leave a Reply