ചുണ്ടക്കുന്ന് ശ്രീ മഹാലക്ഷ്മി ഭദ്രകാളി ക്ഷേത്ര മഹോത്സവത്തിന് കൊടിയേറി

.

മാനന്തവാടി ചുണ്ടക്കുന്ന് ശ്രീ മഹാലക്ഷ്മി ഭദ്രകാളി ക്ഷേത്ര മഹോത്സവത്തിന് കൊടിയേറി.ജനുവരി 1 മുതല്‍ 3 വരെ നടക്കുന്ന ഉത്സത്തിന്റെ കൊടിയേറ്റ് കര്‍മ്മം ക്ഷേത്രം തന്ത്രി എളപ്പില കുമാരന്‍ നമ്പൂതിരിപ്പാട് നിര്‍വ്വഹിച്ചു.ക്ഷേത്രം മേല്‍ശാന്തി വാമല്ലൂര്‍ ദാമോദരന്‍ നമ്പൂതിരിപ്പാട് മുഖ്യ കാര്‍മ്മികത്വം വഹിച്ചു

.മഹോത്സവത്തിന്റെ ഭാഗമായി ഗണപതിഹോമം,ഉഷപൂജ,ഉച്ചപൂജ,കളമെഴുത്തും പാട്ടും,ദീപാരാധന,നിര്‍മ്മാല്യ ദര്‍ശനം,നവകം,പഞ്ചഗവ്യം,ഭഗവതിസേവ,അത്താഴപൂജ,പൊങ്കാല സമര്‍പ്പണം,തോറ്റം,നൃത്തനൃത്യങ്ങള്‍,ശിങ്കാരിമേളം,അമ്മന്‍കുടും,തേര് എന്നിവയുടെ അകമ്പടിയോടുകൂടിയുള്ള താലപ്പൊലി ഘോഷയാത്ര എന്നിവ നടക്കും.എല്ലാദിവസവും അന്നദാനം ഉണ്ടായിരിക്കും.ക്ഷേത്രം പ്രസിഡന്റ് സി.വി രാജന്‍ വൈദ്യര്‍,സെക്രട്ടറി വി.റ്റി രാജേഷ്,ഗോപിനാഥന്‍.കെ,വി.വിനോദ്,എ.ഗീത,എന്‍.ശാരദ,വി.കെ സന്തോഷ്,ഗിരീശന്‍ വി.എസ് എന്നിവര്‍ നേതൃത്വം നല്‍കി.