സംസ്ഥാന ജൂനിയർ ബോൾ ബാഡ് മിന്റൺ ചാമ്പ്യൻഷിപ്പ് വെള്ളമുണ്ടയിൽ തുടങ്ങി.

51-ാമത്    സംസ്ഥാന ജൂനിയർ ബോൾ ബാറ്റ് മിന്റൺ  ചാമ്പ്യൻഷിപ്പ് വെള്ളമുണ്ടയിൽ തുടങ്ങി. മത്സരത്തിന് തുടക്കം കുറിച്ച് വെള്ളമുണ്ട എട്ടേ നാലിൽ വിളംബര ജാഥ നടത്തി .കോർട്ട് ഉദ്ഘാടനം ചെയ്ത വെള്ളമുണ്ട ഗ്രാമപഞ്ചായത്ത് പ്രസിഡണ്ട് പി.  തങ്കമണി താരങ്ങളെ പരിചയപ്പെട്ടു. ബോൾ ബാറ്റ്മിന്റൺ അസോസിയേഷൻ സംസ്ഥാന പ്രസിഡണ്ട് ചാമ്പ്യൻഷിപ്പ് പതാകയും വയനാട് ജില്ലാ പ്രസിഡണ്ട് വി.കെ. ശ്രീധരൻ മാസ്റ്റർ ജില്ലാ പതാകയും വെള്ളമുണ്ട ഗവ. മോഡൽ ഹയർ സെക്കണ്ടറി സ്കൂൾ പ്രധാനാധ്യാപിക പി.കെ. സുധ സ്കൂൾ പതാകയും വെള്ളമുണ്ട എ.യു.പി.സ്കൂൾ  മാനേജർ വി.കെ. മുരളീധരൻ യു.പി. സ്കൂൾ പതാകയും ഉയർത്തി. ജൂനിയർ ആൺകുട്ടികളുടെയും പെൺകുട്ടികളുടെയും മത്സരങ്ങൾ ഒരേ സമയം ആറ് കോർട്ടുകളിൽ നടക്കുന്നുണ്ട്.