ജോസഫ് തൊണ്ടിപ്പറമ്പിൽ അച്ഛന്റെ സംസ്കാരം നാളെ (ശനിയാഴ്ച്ച)

മാനന്തവാടി രൂപതയിലെ വൈദികനായ ജോസഫ് തൊണ്ടിപ്പറമ്പിൽ അച്ഛന്റെ    സംസ്കാരം നാളെ (ശനിയാഴ്ച്ച) നടക്കും. 

ബഹുമാനപ്പെട്ട അച്ചന്റെ മൃതദേഹം നാളെ രാവിലെ  8 മണിയോടെ കോഴിക്കോട് വിമാനത്താവളത്തിൽ എത്തുന്നതാണ്. നടപടിക്രമങ്ങൾ പൂർത്തിയാക്കി അദ്ദേഹത്തിൻറെ മാതൃ ഇടവകയായ നടവയൽ ഹോളിക്രോസ് ഫൊറോന ദേവാലയത്തിൽ ഏകദേശം 2 മണി മുതൽ 4 മണി വരെ പൊതുദർശനത്തിന് വയ്ക്കുന്നതാണ്. കൃത്യം 4 മണിക്ക് വിശുദ്ധ കുർബാനയോടെ മൃതസംസ്കാര ശുശ്രൂഷയുടെ അവസാനഭാഗം ആരംഭിക്കും. പ്രതികൂലമായ കാലാവസ്ഥയും പിറ്റേദിവസം ഞായറാഴ്ച ആയതുകൊണ്ട് പലർക്കും ഉണ്ടാകാവുന്ന അസൗകര്യവും പ്രമാണിച്ച് മൃതദേഹം 7 മണിയോടെ സംസ്കരിക്കുന്നതാണ്. വിശുദ്ധ കുർബാന സമയത്തും പൊതുജനങ്ങൾക്ക് കാണുവാനും ആദരാഞ്ജലികൾ അർപ്പിക്കാനും സൗകര്യം ഉണ്ടായിരിക്കുന്നതാണ്. അതുപോലെതന്നെ പള്ളിയിലെ ചടങ്ങുകൾക്ക് ശേഷം 7 മണിവരെ പൊതുജനങ്ങൾക്ക് അന്തിമോപചാരമർപ്പിക്കാവുന്നതാണ്. അച്ചന്റെ ബന്ധു മിത്രങ്ങളും സുഹൃത്തുക്കളും അതുപോലെ അച്ചന് ആദരാഞ്ജലികൾ അർപ്പിക്കാൻ ആഗ്രഹിക്കുന്ന എല്ലാവരും ഇതൊരു അറിയിപ്പായി സ്വീകരിക്കണം. മൃതദേഹം കൂടുതൽ സമയം പൊതുദർശനത്തിന്  വയ്ക്കുന്നതിനുള്ള ബുദ്ധിമുട്ട് ഉണ്ടന്ന് രൂപതാ കേന്ദ്രത്തിൽ നിന്നും അറിയിച്ചു.