നിയന്ത്രണങ്ങൾ അശാസ്ത്രീയം; കടകൾ എല്ലാ ദിവസവും തുറക്കണമെന്ന് ഐ.എം.എ
നിയന്ത്രണങ്ങൾ അശാസ്ത്രീയം; കടകൾ എല്ലാ ദിവസവും തുറക്കണമെന്ന് ഐ.എം.എ
സംസ്ഥാനത്ത് നിലവിലുള്ള ലോക്ക്ഡൗണ് നിയന്ത്രണങ്ങള് ഗുണത്തേക്കാളേറെ ദോഷം ചെയ്യുമെന്ന് ഡോക്ടർമാരുടെ സംഘടനയായ ഇന്ത്യന് മെഡിക്കല് അസോസിയേഷന് (ഐ.എം.എ). കൂടുതല് ദിവസങ്ങളില് വ്യാപാരസ്ഥാപനങ്ങള് തുറന്ന് തിരക്ക് കുറക്കുകയാണ് വേണ്ടത്. കടകളും ബാങ്കുകളും ഓഫീസുകളും എല്ലാ ദിവസവും തുറക്കണമെന്നും ഐ.എം.എ ആവശ്യപ്പെട്ടു.
ആഴ്ചയില് ചില ദിവസങ്ങളില് മാത്രം കടകളും മറ്റു സ്ഥാപനങ്ങളും തുറക്കുമ്പോള് അവിടങ്ങളില് എത്തുന്ന ആവശ്യക്കാരുടെ എണ്ണം ക്രമാതീതമായി വര്ധിക്കുകയും ആള്ക്കൂട്ടങ്ങള് ഉണ്ടാവുകയും ചെയ്യുന്നുവെന്ന് ഐ.എം.എ ചൂണ്ടിക്കാട്ടുന്നു. നിലവിലെ സമയ ക്രമീകരണവും അശാസ്ത്രീയമാണ്, വ്യാപാരസ്ഥാപനങ്ങള് കൂടുതല് സമയം തുറന്നുവച്ച് തിരക്ക് ഒഴിവാക്കുന്നതിനാണ് ശ്രദ്ധിക്കേണ്ടത്. കുറച്ചു സമയം മാത്രം തുറന്നിരിക്കുമ്പോള് കൂടുതല് ആള്ക്കാര് കൂട്ടം കൂടുന്ന അവസ്ഥ സംജാതമാകും. ഇതെല്ലാം രോഗവ്യാപനം കൂട്ടുന്ന പ്രക്രിയകള് ആയി മാറുകയാണെന്ന് ഐ.എം.എ പറയുന്നു.
Leave a Reply