സ്ത്രീ സുരക്ഷ ക്യാമ്പയിന് തുടക്കമായി

മാനന്തവാടി: സ്ത്രീ സുരക്ഷ, ലിംഗസമത്വം, സ്ത്രീധന വിരുദ്ധ പ്രചരണം എന്നിവ സംബന്ധിച്ച് സമൂഹത്തിൽ അവബോധം സൃഷ്ടിക്കാനുദ്ദേശിച്ച് സംസ്ഥാന സർക്കാർ ആവിഷ്കരിച്ച 'കനൽ' പദ്ധതിയുടെ ബോധവൽക്കരണ പ്രവർത്തനങ്ങൾക്ക് മാനന്തവാടിയിൽ തുടക്കമായി. പ്രതിസന്ധികൾ നേരിടുന്നവർക്ക് സേവനങ്ങൾ ലഭ്യമാക്കാനുള്ള 'സംവിധാനങ്ങൾ ,ആവശ്യമായ നിയമ സഹായം,, കൗൺസിലിങ്ങ് എന്നിവ നൽകുക തുടങ്ങിയ പരിപാടികളാണ് കനൽ പദ്ധതിയിലൂടെ നടപ്പാക്കുന്നത്.ഇവ സംബന്ധിച്ച് ജനങ്ങളെ ബോധവൽക്കരിക്കുന്നതിനു വേണ്ടി വിവിധ സർക്കാർ ഓഫീസുകൾ, മറ്റ് പൊതുസ്ഥലങ്ങൾ എന്നിവിടങ്ങളിൽ പോസ്റ്റർ പ്രചരണം നടത്തും.