കർഷകനും കൃഷിയും നന്നാവാൻ കൃഷിഭവനുകള്‍ അടച്ചു പൂട്ടണം – എ എൻ പ്രഭാകരൻ

മാനന്തവാടി:

     വയനാട്ടിലെ കർഷകനും കൃഷിയും നന്നാകുവാനും ജൈവ വൈവിധ്യം നിലനിർത്താനും സാധിക്കണമെങ്കിൽ കൃഷിഭവനുകള്‍ അടച്ചു പൂട്ടമെന്ന് ജില്ലാ പഞ്ചായത്ത് മെമ്പർ എ എൻ  പ്രഭാകരൻ പറഞ്ഞു . പഴശ്ശി ഗ്രന്ഥാലയത്തിന്റെ നൂറാം വാർഷിയ്ക്കാചരണത്തിന്‍റെ ഭാഗമായി കേരള ജൈവ കർഷക സമിതിയും ഗ്രന്ഥാലയവും സംയുക്തമായി നടത്തിയ ജൈവ കർഷക സംഗമവും സംവാദവും ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം . ഗ്രന്ഥാലയം പ്രസിഡണ്ട്‌ കെ ആർ പ്രദീഷ് അധ്യക്ഷത വഹിച്ച ചടങ്ങിൽ  ജൈവ വൈവിധ്യ ബോർഡിന്‍റെ  പ്രവർത്തകൻ  സുധീഷ് കരിങ്ങാലി സ്വാഗതം പറഞ്ഞു . വയനാടൻ കിഴങ്ങുവിളകളുടെ പ്രാധാന്യം , ജൈവ കർഷകകൂട്ടായ്മയുടെ പ്രാധാന്യം എന്നീ  വിഷയങ്ങളിൽ  പി.ഓ.മാനുവൽ, കെ പി ഇല്ല്യാസ്  എന്നിവർ വിഷയാവതരണം നടത്തി. ലെനീഷ് കെ, അജയൻ പി എ, എൻ ബാദുഷ , രാജേഷ് കൃഷ്ണൻ , അമൽ പ്രശാന്ത് എന്നിവർ സംസാരിച്ചു.