ആവിഷ്കാര സ്വാതന്ത്ര്യത്തെ പ്രസംഗിച്ച നിരഞ്ജനക്ക് കൈയ്യടിയും സമ്മാനവും

പനമരം: മാധ്യമങ്ങളുടെ ആവിഷ്കാര സ്വാതന്ത്ര്യത്തെക്കുറിച്ച്  ചൂടേറിയ ചർച്ചകളും  തർക്കങ്ങളും നടക്കുന്ന വർത്തമാന കാലഘട്ടത്തിൽ ജില്ലാ കലോത്സവ വേദിയിൽ ആവിഷ്കാര സ്വാതന്ത്ര്യത്തെക്കുറിച്ച് പ്രസംഗിച്ച നിരഞ്ജന ബാലചന്ദ്രന് ശ്രോതാക്കളുടെ കൈയ്യടിയും എ ഗ്രേഡും ഒന്നാം സ്ഥാനവും. ഹയർ സെക്കണ്ടറി വിഭാഗം മലയാളം പ്രസംഗത്തിലാണ്  മാനന്തവാടി ജി.വി.എച്ച്.എസിലെ  പ്ലസ് ടു സയൻസ് വിദ്യാർത്ഥിയായ നിരഞ്ജന വിജയിയായത്. തോണിച്ചാൽ നിഖിൽ നിവാസിൽ വി.പി. ബാലചന്ദ്രന്റെയും കെ.കെ. വിജയലക്ഷ്മിയുടെയും മകളാണ്.തിരുവനന്തപുരം ടെക്നോപാർക്കിലെ ജീവനക്കാരൻ നിഖിൽ വി. ചന്ദ്രൻ സഹോദരനാണ്.