കുട്ടികളുടെ ജൈവവൈവിധ്യ കോഗ്രസ്സിനോടനുബന്ധിച്ച് മത്സരങ്ങൾ

12-ാമത് കുട്ടികളുടെ ജൈവവൈവിധ്യ കോഗ്രസ്സിനോടനുബന്ധിച്ച് ‘കാലാവസ്ഥ വ്യതിയാനവും കാര്‍ഷിക ജൈവ വൈവിധ്യവും’ എന്ന വിഷയത്തില്‍  ഉപന്യാസം, ചിത്രരചന, ഫോട്ടോഗ്രാഫി മത്സരങ്ങള്‍ സംസ്ഥാന തലത്തില്‍ ഓൺലൈനായും പ്രൊജക്ട് അവതരണം ജില്ലാ-സംസ്ഥാന തല മത്സരങ്ങളായും ജൂനിയര്‍(10-14 വയസ്സ്) സീനിയര്‍ (15-18 വയസ്സ്) വിഭാഗത്തിലെ വിദ്യാര്‍ത്ഥികള്‍ക്കായി സംഘടിപ്പിക്കുന്നു. കാലാവസ്ഥ വ്യതിയാനവും സമുദ്ര, ഉള്‍നാടന്‍ മത്സ്യ സമ്പത്തും, കാലാവസ്ഥ വ്യതിയാനവും ചെറുധാന്യങ്ങളും, കാലാവസ്ഥ വ്യതിയാനവും വന്യ ഭക്ഷ്യ വിഭവങ്ങളും, കാലാവസ്ഥ വ്യതിയാനവും പരമ്പരാഗത കൃഷിരീതികളും, കാലാവസ്ഥ വ്യതിയാനവും കാലാവസ്ഥ വ്യതിയാനവും കിഴങ്ങു വര്‍ഗ്ഗങ്ങള്‍, ഭക്ഷ്യ ഇലവര്‍ഗ്ഗങ്ങള്‍, ഔഷധ സസ്യങ്ങള്‍ തുടങ്ങിയവയും, പരമ്പരാഗത മത്സ്യബന്ധന രീതികളും,  കാലാവസ്ഥ വ്യതിയാനവും കാര്‍ഷിക രോഗങ്ങളും പരമ്പരാഗത കീട നിയന്ത്രണങ്ങളും, തുടങ്ങി വൈവിധ്യമാര്‍ന്ന ഉപവിഷയങ്ങളും മത്സരത്തിന് തിരഞ്ഞെടുക്കാവുന്നതാണ്.   കാലാവസ്ഥ വ്യതിയാന സാഹചര്യങ്ങളെ അതിനെ അതിജീവിച്ച കാര്‍ഷിക ജൈവവൈവിധ്യത്തിന്റെ സംരക്ഷണത്തിലൂന്നിയ ഉത്തമ മാതൃകകളാണ് മേല്‍ മത്സരങ്ങളിലൂടെ കൂടുതലും പ്രതിഫലിക്കേണ്ടത്. കുട്ടികളെ ഭാവിയിലെ ജൈവവൈവിധ്യ കാവലാളുകളാക്കുവാന്‍ സജ്ജരാക്കുക എന്നതാണ് ലക്ഷ്യം.    പൂരിപ്പിച്ച അപേക്ഷയോടൊപ്പം ഫോട്ടോകള്‍ cbcphotoksbb@gmail.com ലേക്കും ഉപന്യാസം cbcessayksbb@gmail.com ലേക്കും വരച്ച ചിത്രത്തിന്റെ ഫോട്ടോ cbcpaintksbb@gmail.com ലേക്കും 2020 ജനുവരി 10ന് മുമ്പും പ്രൊജക്ട് അവതരണം അപേക്ഷ cbcprojectksbb@gmail.com ലേക്ക് 2019 ഡിസംബര്‍ 30ന് മുമ്പായും e-mail ആയി അയക്കേണ്ടതാണ്. ജില്ലാതല മത്സരങ്ങള്‍ 2020 ജനുവരി 4 ശനിയാഴ്ച എസ് കെ എം ജെ ഹൈസ്‌കൂള്‍ ജൂബിലി ഓഡിറ്റോറിയത്തില്‍ വെച്ച് നടത്തുന്നതാണ്. ജില്ലാതലത്തില്‍ ഒന്നും രണ്ടും സ്ഥാനക്കാര്‍ക്ക് സംസ്ഥാന തലത്തില്‍ മത്സരത്തിന് അവസരം ലഭിക്കും. വിവരങ്ങള്‍ക്ക് എസ്. ഹരിത  9539998634, സി. ജയരാജന്‍ 9496344025 സി. എസ്. അന്‍വര്‍ 9400308480 www.keralabiodiversity.org