സ്വയം തൊഴില് വായ്പ
കേരള സംസ്ഥാന പട്ടികജാതി പട്ടികവര്ഗ വികസന കോര്പറേഷന് ദേശീയ പട്ടികജാതി പട്ടികവര്ഗ ധനകാര്യ വികസന കോര്പറേഷനുകളുടെ സഹായത്തോടെ നടപ്പിലാക്കുന്ന ഒന്നര ലക്ഷം രൂപ മുതല് മൂന്ന് ലക്ഷം രൂപ വരെ പദ്ധതി തുകയുള്ള വിവിധ സ്വയം തൊഴില് പദ്ധതികള്ക്ക് വായ്പ അനുവദിക്കുന്നതിന് ജില്ലയില് നിന്നുള്ള പട്ടികജാതി പട്ടികവര്ഗ യുവതി യുവാക്കളില് നിന്നും അപേക്ഷ ക്ഷണിച്ചു.അപേക്ഷകര് തൊഴില് രഹിതരും 18 നും 55 നും ഇടയില് പ്രായമുള്ളവരും ആയിരിക്കണം. കുടുംബ വാര്ഷിക വരുമാനം 300000 രൂപയില് കവിയാന് പാടില്ല.
കൃഷി ഒഴികെയുളള സ്വയംതൊഴില് പദ്ധതികള്ക്കാണ് വായപ ലഭിക്കുക. വായ്പാതുക 6 ശതമാനം പലിശ സഹിതം 60 മാസ ഗഡുക്കളായി തിരിച്ചടക്കേണ്ടതാണ്. തെരഞ്ഞെടുക്കപ്പെടുന്ന ഗുണഭോക്താക്കള് വായ്പക്ക് ഈടായി മതിയായ വസ്തു ജാമ്യം അല്ലെങ്കില് ഉദ്യോഗസ്ഥ ജാമ്യം ഹാജരാക്കണം. താല്പ്പര്യമുള്ളവര് അപേക്ഷാ ഫോറത്തിനും വിശദ വിവരങ്ങള്ക്കുമായി കോര്പ്പറേഷന്റെ കല്പ്പറ്റ പിണങ്ങോട് റോഡ് ജംഗ്ഷനില് പ്രവര്ത്തിക്കുന്ന ജില്ലാ ഓഫീസുമായി ബന്ധപ്പെടാം . ഫോണ് :04936 202869
Leave a Reply