Newswayanad.in

By ന്യൂസ് വയനാട് ബ്യൂറോ

കൽപ്പറ്റ: : രാഷ്ട്രീയ സ്വയം സേവക് സംഘത്തിന്റെ ആദ്യകാല സംഘചാലകും പ്രധാന പ്രവർത്തകനുമായിരുന്ന കല്പറ്റ ശ്രീഗോകുലം വീട്ടിൽ എ.പി. കേശവൻ നായർ (93) നിര്യാതനായി. . ജന്മഭൂമി പത്രത്തിന്റെ ചെയർമാനായിരുന്നു. മുട്ടിൽ വിവേകാനന്ദ മെഡിക്കൽ മിഷൻ ആശുപത്രി സ്ഥാപിക്കുന്നതിൽ മുഖ്യ പങ്കുവഹിച്ചു. കോഫി ബോർഡ് അംഗം, കല്പറ്റ സർവീസ് കോ-ഒാപ്പറേറ്റീവ് ബാങ്ക് ഡയറക്ടർ, മാരിയമ്മൻ ദേവീ ക്ഷേത്രം പ്രസിഡന്റ്, വേങ്ങപ്പള്ളി മഹാവിഷ്ണു മഹാദേവ ക്ഷേത്രം പ്രസിഡന്റ്് എന്നീ നിലകളിൽ പ്രവർത്തിച്ചിട്ടുണ്ട്. ശ്രീ ശങ്കരാചാര്യ വിദ്യാലയം പ്രഥമ പ്രസിഡന്റായിരുന്നു. പരേതരായ എടത്തിൽ ഗോപാലൻ നായർ, മാധവിയമ്മ എന്നിവരാണ് മാതാപിതാക്കള്. ഭാര്യ: പി. കാർത്ത്യാനി അമ്മ. മക്കൾ: വി.പി. നളിനി, വി.പി. സുരേഷ്, വി.പി. ശാന്ത, എ.കെ. ശാന്തി. മരുമക്കൾ: ടി.എൻ. വേണുഗോപാലൻ, വി.പി. ഇന്ദിര, കെ.പി. ശ്രീധരൻ നായർ, പി.സി. ഗോവിന്ദൻ. സഹോദരങ്ങൾ: എ.പി. നാരായണൻ നായർ (റിട്ട. വില്ലേജ് ഒാഫീസർ, എൻ.എസ്.എസ്. വൈത്തിരി താലൂക്ക് യൂണിയൻ പ്രസിഡന്റ്), എ.പി. മീനാക്ഷി അമ്മ, എ.പി. സത്യഭാമ, എ.പി. വാസുദേവൻ (സീനിയർ സിറ്റിസൺ സംസ്ഥാന വൈസ് പ്രസിഡന്റ്). ശവസംസ്കാരം തിങ്കളാഴ്ച ഉച്ചയ്ക്ക് രണ്ട് മണിക്ക് അപ്പണവയലിൽ.