ഹിന്ദി സിനിമയിലെ ഇതിഹാസതാരം ദിലീപ് കുമാര് അന്തരിച്ചു.
മുംബൈ: ഹിന്ദി സിനിമയിലെ ഇതിഹാസതാരം ദിലീപ് കുമാര് അന്തരിച്ചു. 98 വയസ്സായിരുന്നു. ന്യൂമോണിയ ബാധയെത്തുടര്ന്നാണ് അന്ത്യം. മുംബൈയിലെ ഹിന്ദുജ ആശുപത്രിയില് രാവിലെ ഏഴരയോടെയാണ് അന്ത്യം സംഭവിച്ചത്. വാര്ദ്ധക്യസഹജമായ അസുഖങ്ങളെത്തുടര്ന്ന് അദ്ദേഹം ദീര്ഘകാലമായി ചികിത്സയിലായിരുന്നു അദ്ദേഹം.
ബോളിവുഡിലെ എക്കാലത്തെയും സ്വപ്ന നായകനും വിഷാദനായകനുമാണ് ദിലീപ് കുമാര്. നാലു ദശാബ്ദത്തോളം വെള്ളിത്തിരയില് വിസ്മയം തീര്ത്ത അതുല്യ പ്രതിഭ. അതിഭാവുകത്വം നിറഞ്ഞ അഭിനയശൈലിയില് നിന്ന് ഇന്ത്യന് സിനിമയെ മോചിപ്പിച്ച മഹാനടന്. 60 വര്ഷം കൊണ്ട് 40 സിനിമകളില് മാത്രം അഭിനയിച്ചു അദ്ദേഹം.
Leave a Reply