സ്ഥിരം കഞ്ചാവു വില്പനക്കാരനായ യുവാവ് അറസ്റ്റിൽ
മാനന്തവാടി :
വാളാട് ടൗണിലും പരിസരങ്ങളിലും വിദ്യാർത്ഥികൾക്കും മറ്റും കഞ്ചാവ് വിൽപ്പന നടത്തി വന്നിരുന്ന വാളാട് സ്വദേശിയായ പാറക്കൽ വീട്ടിൽ സിബിൻ ബാബു ( 22) വിനെ അറസ്റ്റ് ചെയ്തു. അര കിലോ കഞ്ചാവ് കൈവശം വച്ച കുറ്റത്തിന് ഒരപ്പ് പാലത്തിനു സമീപം വച്ച് മാനന്തവാടി എക്സൈസ് ഇൻസ്പെക്ടർ ഷറഫുദ്ദീൻ ടി യും സംഘവും ചേർന്നാണ് അറസ്റ്റ് ചെയ്തത്. . ഇയാൾ ഓടിച്ചുവന്ന KL 72 8278 നമ്പർ സ്കൂട്ടിയും കസ്റ്റഡിയിലെടുത്തു. ഇയാൾക്കെതിരെ ഇതിനുമുമ്പും കഞ്ചാവ് കേസ് നിലവിലുണ്ട്. പാർട്ടിയിൽ പ്രിവന്റിവ് ഓഫീസർ പി ഷാജി സിവിൽ എക്സൈസ് ഓഫീസർമാരായ പ്രിൻസ് ടി. ജി ,ജോണി കെ , മൻസൂർ അലി, അജേഷ് വിജയൻ എന്നിവർ പങ്കെടുത്തു.
Leave a Reply