ലോക് ഡൗൺ ലംഘനം; 49 കേസുകൾ രജിസ്റ്റർ ചെയ്തു

കൽപ്പറ്റ: ലോക് ഡൗൺ നിർദേശങ്ങൾ ലംഘിച്ചതിനെതിരെ ഇന്ന് അഞ്ച് മണി വരെ ജില്ലയിലെ വിവിധ പൊലീസ് സ്റ്റേഷനുകളിലായി 49 കേസുകൾ രജിസ്റ്റർ ചെയ്തു. ശരിയായ രീതിയിൽ മാസ്ക് ധരിക്കാത്തതിന് 88 പേർക്കെതിരെയും സാമൂഹിക അകലം പാലിക്കാത്തതിന് 101 പേർക്കെതിരെയും പിഴ ചുമത്തി. അനാവശ്യമായി വാഹനങ്ങളുമായി പുറത്തിറങ്ങുന്നവർക്കെതിരെയും  ഇളവുകൾ നൽകിയിരിക്കുന്ന കച്ചവട സ്ഥാപനങ്ങളിൽ നിരവധി തവണ താക്കീത് നൽകിയിട്ടും കോവിഡ് മാനദണ്ഡങ്ങൾ പാലിക്കാതെ കച്ചവടം നടത്തുന്നവർക്കെതിരെയും കർശനമായ നടപടി സ്വീകരിക്കുമെന്നും ജില്ലാ പോലീസ് മേധാവി അറിയിച്ചു. ഇന്ന് കോവിഡ് മാനദണ്ഡങ്ങൾ പാലിക്കാതെ കച്ചവടം നടത്തിയതിന് 20 കടകൾക്കെതിരെ നടപടി സ്വീകരിച്ചു.