കൽപ്പറ്റ: ഡി വൈ എഫ് ഐ ബ്ലോക്ക്‌ കമ്മിറ്റികളുടെ നേതൃത്വത്തിൽ ചക്ര സ്തംഭനം നടത്തി

കൽപ്പറ്റ: ഇന്ധന വിലവർധനവ്, തൊഴിലില്ലായ്മ, കേന്ദ്ര സർക്കാരിന്റെ വാക്സിൻ വിരുദ്ധ നയം എന്നിവയിൽ പ്രധിഷേധിച്ച് ഡി വൈ എഫ് ഐ ബ്ലോക്ക്‌ കമ്മിറ്റികളുടെ നേതൃത്വത്തിൽ ചക്ര സ്തംഭനം നടത്തി. സുൽത്താൻ ബത്തേരിയിൽ നടന്ന പരിപാടി സി പി എം ജില്ലാ സെക്രട്ടറി പി ഗഗാറിൻ ഉദ്ഘാടനം ചെയ്തു. കമ്പളക്കാട് വെച്ച് നടന്ന കൽപ്പറ്റ ബ്ലോക്ക്‌ കമ്മിറ്റിയുടെ ചക്ര സ്തംഭനം ഡി വൈ എഫ് ഐ ജില്ലാ സെക്രട്ടറി കെ റഫീഖ് ഉദ്ഘാടനം ചെയ്തു. പുൽപള്ളിയിൽ ജില്ലാ പ്രസിഡന്റ് കെ എം ഫ്രാൻസിസും, പനമരത്ത് ജില്ലാ ട്രെഷറർ എം വി വിജേഷും, വൈത്തിരിയിൽ സംസ്ഥാന കമ്മിറ്റി അംഗം ഷിജി ഷിബുവും, മാനന്തവാടിയിൽ അജിത്ത് വർഗീസും ഉദ്ഘാടനം ചെയ്തു.