March 28, 2024

ബദൽ നയങ്ങൾ ഉയർത്തിക്കൊണ്ടുവരേണ്ടത‌് കാലഘട്ടത്തിന്റെ ആവശ്യമാണെന്ന‌് അശോക‌് ധാവ‌്ളെ

0
Gnw Rally
പുൽപ്പള്ളി:  കാർഷികമേഖലയെ തകർക്കുന്ന നവ ഉദാരവൽക്കരണനയത്തിനെതിരെ ബദൽ നയങ്ങൾ ഉയർത്തിക്കൊണ്ടുവരേണ്ടത‌് കാലഘട്ടത്തിന്റെ ആവശ്യമാണെന്ന‌്  ആൾ ഇന്ത്യ കിസാൻസഭ അഖിലേന്ത്യേ പ്രസിഡന്റ‌് അശോക‌് ധാവ‌്ളെ പറഞ്ഞു.  വിധ കർഷകസംഘടനകളുടെ  നേതൃത്വത്തിൽ പുൽപ്പള്ളിയിൽ നടത്തിയ കർഷക പാർലമെന്റ‌് ഉദ‌്ഘാടനം ചെയ്യുകയായിരുന്നു ധാവ‌്ളെ. കഴിഞ്ഞ 27 വർഷക്കാലം കർഷകരുടെ ജീവിതം ദുരിതപൂർണമാക്കിയത‌് ഈ നയങ്ങളാണ‌്.  ഇനിയും ഈ രീതി തുടരാൻ അനുവദിക്കരുത‌്. നവ ഉദാരവൽക്കരണ നയങ്ങൾ മാറണം. കോൺഗ്രസും ബിജെപിയും ഈ നയം തുടരനാണ‌് ആഗ്രഹിക്കുന്നത‌്. ഈ നയത്തിന‌് മാറ്റം വരുത്താൻ ഇടതുപക്ഷത്തിനേ കഴിയൂ.  കർഷക താൽപര്യം മുൻനിർത്തി സഹകരണപ്രസ്ഥാനങ്ങളുടെ  പിന്തുണയോടെ ഈ ബദൽ നയങ്ങൾ നടപ്പിലാക്കാനാണ‌് ഇടതുപക്ഷം ശ്രമിക്കുന്നത‌്.  ബദൽ സാധ്യമാകും. രാജ്യത്ത‌് അധികാരത്തിലേറിയ കോൺഗ്രസ‌് സർക്കാർ ചെയ‌്ത ഏറ്റവും പ്രഥമമായ കുറ്റം ഭൂപരിഷ‌്ക്കരണ നിയമം നടപ്പാക്കാൻ ഒരിക്കലും മുന്നോട്ട‌് വന്നില്ല എന്നതാണ‌്. കേരളത്തിലെ എൽഡിഎഫ‌് സർക്കാരാണ‌് ഭൂപരിഷ‌്ക്കരണം നടപ്പിലാക്കി രാജ്യത്തിന‌് മാതൃകയായത‌്. കർഷകരെ ബലിയാടാക്കി  കോർപറേറ്റ‌് കമ്പനികളെ സഹായിക്കുന്ന ഉദാരവത‌്കരണ നയങ്ങൾക്കെതിരെ ബദൽ നയത്തിനായി  കൂടുതൽ പ്രക്ഷോഭം ഉയർന്നുവരണമെന്നും അദ്ദേഹം പറഞ്ഞു.  ബിജെപിയാണ‌് മുഖ്യശത്രുവെന്നുപറയുകയും ഇടതു പക്ഷത്തിനെതിരെ മത്സരിക്കുകയും ചെയ്യുകയാണ‌് കോൺഗ്രസ‌് അധ്യക്ഷൻ. കോൺഗ്രസിന്റെ  കാപട്യമാണ‌് ഇവിടെ തെളിയുന്നത‌്. യഥാർശത്രു ആരെന്ന‌് കോൺഗ്രസും രാഹുൽഗാന്ധിയും വ്യക്തമാക്കണം. ബിജെപിയെ വളർത്തിയത‌് കോൺഗ്രസാണ‌്. കോൺഗ്രസിന്റെ ജനവിരുദ്ധ നയങ്ങളും അഴിമതിയും ബിജെപിക്ക‌് വേരുണ്ടാക്കി.ഉത്തരേന്ത്യൻ സംസ്ഥാനങ്ങളിൽ  കോൺഗ്രസ്സുകാരാണ‌് ബിജെപിക്കാരായത‌്.  എന്തുകൊണ്ട‌് കേരളത്തിൽ ബിജെപിക്ക‌് വളരാൻ കഴിയുന്നില്ല.  എൽഡിഎഫ‌് ബിജെപിയെ തടയുന്നു. ബംഗാളിൽ 35 വർഷം ഇടതുപക്ഷം ഭരിച്ചപ്പോൾ ബിജെപിക്ക‌് വളരാൻ കഴിഞ്ഞില്ല. കോൺഗ്രസിൽനിന്നും വിഘടിച്ചുവന്ന മമത ബാനർജി അധികാരത്തിലേറിയശേഷമാണ‌് ബംഗാളിൽ ബിജെപി ശക്തി പ്രാപിച്ചത‌്. ത്രിപുരയിൽ കോൺഗ്രസ്സുകാർ ഒന്നടങ്കമാണ‌് ബിജെപിയായത‌്. ഇടതുപക്ഷം എല്ലാ കാലത്തും ബിജെപിക്കെതിരെ ശക്തമായ ചെറുത്തുനിൽപാണ‌് ഉയർത്തുന്നതെന്നും ധാവ‌്ളെ പറഞ്ഞു. "എതിരെ വരുന്നവരിൽ നിന്നും ഒഴിഞ്ഞുമാറില്ല, ബിജെപിയായാലും കോൺഗ്രസ‌് ആയാലും. വയനാട്ടിൽ ഇടതുപക്ഷം ഐക്യത്തിന്റെ കരുത്തിൽ വിജയിക്കും'–- എന്ന പിണറായി വിജയന്റെ വാക്കുകളാണ‌്  തനിക്കും പറയനുള്ളതെന്ന‌് പറഞ്ഞാണ‌് ധാവ‌്ള പ്രസംഗം അവസാനിപ്പിച്ചത‌്.
AdAdAd

Leave a Reply

Leave a Reply

Your email address will not be published. Required fields are marked *