വീട്ടില് കഴിയാം യോഗയ്ക്കൊപ്പം’; നാളെ അന്താരാഷ്ട്ര യോഗ ദിനാചരണം
തിരുവനന്തപുരം: അന്താരാഷ്ട്ര യോഗ ദിനാചരണത്തിന്റെ സംസ്ഥാനതല ഉദ്ഘാടനം ജൂണ് 21ന് രാവിലെ 8 മണിക്ക് മുഖ്യമന്ത്രി പിണറായി വിജയന് ഓണ്ലൈനായി നിര്വഹിക്കും. ആരോഗ്യ വകുപ്പ് മന്ത്രി വീണാ ജോര്ജ് ചടങ്ങില് അധ്യക്ഷത വഹിക്കും. യോഗത്തില് ആയുര്വേദ രംഗത്തെ കുലപതിയായ പദ്മവിഭൂഷണ് ഡോ. പി.കെ വാര്യരെ നൂറാം ജന്മദിനത്തോടനുബന്ധിച്ച് സംസ്ഥാന ആയുഷ് വകുപ്പ് ആദരിക്കുന്നു.
അന്താരാഷ്ട്ര യോഗ ദിനത്തോടനുബന്ധിച്ച് കോവിഡ് മാനദണ്ഡങ്ങള് പാലിച്ച് ആയുഷ് മിഷന് നിരവധി പരിപാടികളാണ് ആവിഷ്ക്കരിച്ചിരിക്കുന്നതെന്ന് മന്ത്രി വീണാ ജോര്ജ് പറഞ്ഞു. കൊവിഡ് വ്യാപനത്തിന്റെ പശ്ചാത്തലത്തില് ‘വീട്ടില് കഴിയാം യോഗയ്ക്കൊപ്പം’ എന്നതാണ് ഈ വര്ഷത്തെ യോഗ ദിനാചരണ തീം.
Leave a Reply