കാട്ടാന ആക്രമണം : കോളറാട്ടുകുന്നിൽ കൃഷിനാശം

പുൽപ്പള്ളി: പുൽപ്പള്ളി ഗ്രാമപഞ്ചായത്ത് 15-ാം വാർഡിൽപ്പെട്ട കോളറാട്ടു കുന്നിൽ വൻ കൃഷി നാശം. പ്രദേശത്തെ നിരവധി കൃഷിയിടങ്ങളിൽ ലക്ഷക്കണക്കിന് രൂപയുടെ കൃഷിനാശമാണു വരുത്തിയിരിക്കുന്നത്. പാറയിൽ ചന്ദ്രൻ , കല്ലേരി മറ്റത്തിൽ ബാലകൃഷ്ണൻ, ഐക്കര ബാബു , കല്ലേരി മറ്റത്തിൽ കുട്ടപ്പൻ , കൊളപ്പാറ ജിനിൽ തുടങ്ങിയ നിരവധി കർഷകരുടെ തെങ്ങ്, കമുക്, വാഴ തുടങ്ങിയ വിളകളാണ് കൂടുതലായി നശിപ്പിച്ചിരിക്കുന്നത്. വനാതിർത്തിയിൽ പ്രതിരോധ സംവിധാനങ്ങൾ ഇല്ലാത്തതാണ് കാട്ടാന ശല്യം രൂക്ഷമാകാൻ കാരണമെന്നും, അടിയന്തര പ്രതിരോധ സംവിധാനങ്ങൾ ഏർപ്പെടുത്തണമെന്നും വാർഡ് മെമ്പർ ജോഷി ചാരുവേലിൽ ആവശ്യപ്പെട്ടു.