രാജസ്ഥാന് പിന്നാലെ പഞ്ചാബിലും ഗ്രീന്ഫംഗസ് ബാധ സ്ഥിരീകരിച്ചു
രാജ്യത്ത് ബ്ലാക്ക് ഫംഗസിനും വൈറ്റ് ഫംഗസിനും യെല്ലോ ഫംഗസിനും പിന്നാലെ രാജസ്ഥാനില് റിപ്പോര്ട്ട് ചെയ്ത ഗ്രീന് ഫംഗസ് ബാധ പഞ്ചാബിലും. പഞ്ചാബിലെ ജലന്ധറിലാണ് ഗ്രീന് ഫംഗസ് ബാധ റിപ്പോര്ട്ട് ചെയ്തിരിക്കുന്നത്.
കൊവിഡ് മുക്തനായ 62-കാരനിലാണ് ഗ്രീന് ഫംഗസ് ബാധ സ്ഥിരീകരിച്ചിരിക്കുന്നത്. നിലവില് ഇദ്ദേഹം ആശുപത്രിയില് നിരീക്ഷണത്തിലാണ്. ജലന്ധര് സിവില് ആശുപത്രി എപ്പിഡെമിയോളജിസ്റ്റ് ഡോ. പരംവീര് സിംഗാണ് ഗ്രീന് ഫംഗസ് ബാധ സ്ഥിരീകരിച്ചതായി അറിയിച്ചത്.
രാജസ്ഥാനിലെ 34-കാരനാണ് നേരത്തെ ഗ്രീന് ഫംഗസ് റിപ്പോര്ട്ട് ചെയ്തിരുന്നത്. രണ്ട് മാസമായി കൊവിഡ് ബാധിച്ച് ചികിത്സയിലായിരുന്ന ഇയാള്ക്ക് മൂക്കില് നിന്ന് രക്തസ്രാവം ഉണ്ടായതിനെ തുടര്ന്ന് നടത്തിയ പരിശോധനയിലാണ് ഗ്രീന് ഫംഗസ് സ്ഥിരീകരിച്ചത്.
Leave a Reply