കേരള പ്രദേശ് ആശാവർക്കേഴ്സ് കോൺഗ്രസ് ധർണ നടത്തി

കൽപ്പറ്റ : ആരോഗ്യ രംഗത്ത് ഒഴിവുവരുന്ന തസ്തികകളിൽ 50% ആശാവർക്കർമാർക്ക് സംവരണം ചെയ്യുക, കേന്ദ്ര-സംസ്ഥാന ഇൻസെന്റീവുകൾ ഏകോപിപ്പിച്ച് മിനിമം വേതനം ആയി മുഖ്യമന്ത്രി പ്രഖ്യാപിച്ച 700 രൂപ നൽകുക എന്നീ ആവശ്യങ്ങൾ ഉന്നയിച്ച് കേരള പ്രദേശ് ആശാ വർക്കേഴ്സ് കോൺഗ്രസ് നാഷണൽ ഹെൽത്ത് മിഷൻ ഓഫീസിനു മുന്നിൽ ധർണ നടത്തി . അതിന്റെ ജില്ലാതല ഉദ്ഘാടനം ഐഎൻടിയുസി ജില്ലാ പ്രസിഡന്റ് പി.പി ആലി നിർവഹിച്ചു .കൽപ്പറ്റ നഗരസഭ ഉപാധ്യക്ഷ കെ.അജിത് അധ്യക്ഷത വഹിച്ചു. കെ. കെ രാജേന്ദ്രൻ. ശ്രീദേവി ബാബു, ആയിഷ പള്ളിയാൽ, കെ. രാജാറാണി, റീന തങ്കച്ചൻ, കെ. പുഷ്പ എന്നിവർ സംസാരിച്ചു