സ്വയം തൊഴില് വായ്പാ പദ്ധതിക്ക് അപേക്ഷിക്കാം
കൽപ്പറ്റ: സംസ്ഥാന പട്ടികജാതി പട്ടികവര്ഗ്ഗ വികസന കോര്പ്പറേഷന് ദേശീയ പട്ടികവര്ഗ്ഗ ധനകാര്യ വികസന കോര്പ്പറേഷന്റെ സഹായത്തോടെ നടപ്പിലാക്കുന്ന സ്വയം തൊഴില് വായ്പാ പദ്ധതിയായ പട്ടികവര്ഗ്ഗ സംരംഭകര്ക്കുള്ള വായ്പാ പദ്ധതിയ്ക്കു കീഴില് വായ്പ അനുവദിയ്ക്കുന്ന തിനായി സംരംഭകത്വ ഗുണമുള്ള യുവതീ യുവാക്കളില് നിന്നും അപേക്ഷ ക്ഷണിച്ചു. 1.50 ലക്ഷം രൂപയും, 3 ലക്ഷം രൂപയുമാണ് പദ്ധതി തുക. അപേക്ഷകര് പട്ടികവര്ഗ്ഗത്തില്പ്പെട്ട തൊഴില് രഹിതരും, 18 നും 55 നും ഇടയില് പ്രായമുള്ളവരുമായിരിക്കണം. കുടുംബ വാര്ഷിക വരുമാനം 3 ലക്ഷം രൂപയില് കവിയരുത്. അനുവദനീയമായ വായ്പാ തുകയ്ക്കുള്ളില് വിജയ സാധ്യതയുള്ള ഏതൊരു സ്വയംതൊഴില് പദ്ധതിയിലും (കൃഷിഭൂമി വാങ്ങല്/മോട്ടോര് വാഹനം വാങ്ങല് ഒഴികെ) ഗുണഭോക്താവിന് ഏര്പ്പെടാവുന്നതാണ്. വായ്പാ തുക 6 ശതമാനം പലിശ സഹിതം 5 വര്ഷം കൊണ്ടാണ് തിരിച്ചടയ്യേണ്ടത്. തെരഞ്ഞെടുക്കപ്പെടുന്നവര് ഈടായി കോര്പ്പറേഷന്റെ നിബന്ധനകള്ക്കനുസരിച്ച് ആവശ്യമായ ഉദ്യോഗസ്ഥ ജാമ്യമോ, വസ്ത ജാമ്യമോ ഹാജരാക്കണം. താല്പര്യമുള്ളവര് അപേക്ഷാ ഫോറത്തിനും, വിശദ വിവരങ്ങള്ക്കുമായി കോര്പ്പറേഷന്റെ ജില്ലാ ഓഫീസുമായി ബന്ധപ്പെടേണ്ടതാണ്.
Leave a Reply