പത്താം വർഷവും നാടകത്തിൽ പിണങ്ങോടിന്റെ കുത്തക .

പനമരം: ജില്ലാ കലോത്സവത്തിൽ ഹൈസ്ക്കൂൾ വിഭാഗം അറബിക് നാടകത്തിൽ പത്താം വർഷവും പിണങ്ങോട് ഡബ്ലു. ഒ .എച്ച്. എസ്.എസിന്റെ കുത്തക തകർക്കാൻ ആളില്ല. അജ്സാമു സെയ്ത്വാനിയ എന്ന ഈ വർഷത്തെ നാടകത്തിനും ഒന്നാം സ്ഥാനം ലഭിച്ചതോടെ ഈ സംഘം സ്കൂളിന് മാത്രമല്ല നാടിനും അഭിമാനമായി. വർഗ്ഗീയതക്കെതിരെയായിരുന്നു നാടകത്തിന്റെ പ്രമേയം. ഇന്ത്യയുടെ ഇപ്പോഴത്തെ അവസ്ഥയും അഭിനേതാക്കൾ വരച്ചുകാട്ടി. കണ്ണൂർ സ്വദേശിയായ  സൂര്യ സജി രചനയും സംവിധാനവും നിർവ്വഹിച്ച നാടകം അബ്ദുറഹ്മാനാണ് അറബികിലേക്ക് വിവർത്തനം ചെയ്തത്.