എന്‍ .എസ്.എസ് സപ്തദിന സഹവാസ ക്യാമ്പ് തുടങ്ങി
വെള്ളമുണ്ട: സ്വാതന്ത്യത്തിന്റെ 75ാം വാര്‍ഷികാഘോഷത്തിന്റെ ഭാഗമായി വെള്ളമുണ്ട ഗവ: മോഡല്‍ ഹയര്‍ സെക്കണ്ടറി സ്‌കൂളില്‍ എന്‍.എന്‍.എസ് നടത്തുന്ന സപ്തദിന ക്യാമ്പിന് തുടക്കമായി. ജില്ലാ മെഡിക്കല്‍ ഓഫീസര്‍ ഡോ: കെ.സക്കീന ക്യാമ്പ് ഉദ്ഘാടനം ചെയ്തു. പി.ടി.എ.പ്രസിഡണ്ട് ടി.കെ.മമ്മൂട്ടി ചടങ്ങില്‍ അദ്ധ്യക്ഷത വഹിച്ചു. മാസ് മീഡിയ ജില്ലാ ഓഫീസര്‍ ഹംസ ഇസ്മാലി മുഖ്യാതിഥിയായി. പ്രിന്‍സിപ്പള്‍ പി.സി.തോമസ് , എന്‍.എസ്.എസ് പ്രോഗ്രാം ഓഫീസര്‍ സി. ഹാരിഷ് ടി.വി എല്‍ദോസ്, എം.പി രവീന്ദ്രന്‍ , ഷീജ കെ പീറ്റര്‍, സന്തോഷ് കാരയാട് തുടങ്ങിയവര്‍ സംസാരിച്ചു. പഠനത്തോടൊപ്പം സാമൂഹ്യ രാഷ്ട്രീയ വിഷയങ്ങളില്‍ ഇടപ്പെടുവാന്‍ വിദ്യാര്‍ത്ഥികളെ പ്രാപ്തരാക്കുകയെന്ന ലക്ഷ്യത്തോടെയാണ് പ്ലസ്ടു ,ഡിഗ്രി, പി.ജി വിദ്യാര്‍ത്ഥികള്‍ക്കായി ക്യാമ്പ് സംഘടിപ്പിക്കുന്നത്. കോവിഡിനെ തുടര്‍ന്ന് കഴിഞ്ഞ് മൂന്ന് വര്‍ഷങ്ങളായി ക്യാമ്പുകള്‍ നടത്തിയിരുന്നില്ല.
Leave a Reply