Newswayanad.in

By ന്യൂസ് വയനാട് ബ്യൂറോ

മേപ്പാടി : അറിവിന്റെ ആദ്യാക്ഷരം പകർന്നു നൽകിയ തങ്ങളുടെ പള്ളിക്കൂടത്തെ കൂടുതൽ സുന്ദരവും ആകർഷകവുമാക്കുന്നതിനു വേണ്ടി ഒരുപറ്റം പൂർവ്വവിദ്യാർത്ഥികളും പി ടി എ യും അണിനിരന്നപ്പോൾ ചെമ്പ്രമലയുടെ താഴ്‌വയിലെ സർക്കാർ വിദ്യാലയം കൂടുതൽ സുന്ദരിയായി.

മികവിലേക്കൊരു ചുവടുവെപ്പ് പദ്ധതിയുടെ ഭാഗമായി മികച്ച അക്കാദമിക്ക് പ്രവർത്തനങ്ങൾക്ക് തുടക്കം കുറിച്ച എരുമക്കൊല്ലി ഗവ: യു പി സ്കൂളിനെ കൂടുതൽ മികവിലേക്കുയർത്തുന്നതിന് വേണ്ടിയാണ്

കെ .രതീഷിന്റെ നേതൃത്വത്തിലുള്ള ഒരുപറ്റം പൂർവ്വ വിദ്യാർത്ഥികളും വാർഡ് മെമ്പർ രാധാ രാമസ്വാമിയും "എന്റെ വിദ്യാലയം ശുചിത്വ വിദ്യാലയം" പദ്ധതിക്ക് തുടക്കം കുറിച്ചത് .

ഹെഡ്മാസ്റ്റർ സെബാസ്റ്റ്യൻ പാലംപറമ്പിൽ ,

സീനിയർ അധ്യാപികയായ ബി എസ് അനീഷ ,

പി .ടി .എ പ്രസിഡന്റ് ബി ജിജീഷ് എന്നിവർ ഇവർക്ക് പിന്തുണയുമായി നിന്നു.തുടർ പ്രവർത്തനങ്ങളും നടത്താൻ തീരുമാനിച്ചിരിക്കുകയാണ് പൂർവ്വ വിദ്യാർത്ഥികൾ.