ഭാര്യയെയും മകനെയും വെട്ടിപ്പരിക്കേല്‍പ്പിച്ച് യുവാവ് ആത്മഹത്യ ചെയ്തു

ബത്തേരി മാതമംഗലം ഉള്ളിലം പണിയ കോളനിയിലെ മോഹനന്‍ (35) ആണ് ആത്മഹത്യ ചെയ്തത്. വീടിനു സമീപം തോട്ടത്തില്‍ തൂങ്ങി മരിച്ച നിലയിലാണ് ഇയാളെ കണ്ടെത്തിയത്.ഇന്ന് രാവിലെ 8 മണിയോടെയാണ് മോഹനന്‍ ഭാര്യ ശോഭ (30)യേയും മകന്‍ നാലു വയസുകാരന്‍ അബിദേവിനെയും വെട്ടിപ്പരിക്കേല്‍പ്പിച്ചത്.സാരമായി പരുക്കേറ്റ ഇരുവരെയും ആദ്യം ബത്തേരി സ്വകാര്യ ആശുപത്രിയിലും പിന്നീട് മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു.തുടര്‍ന്ന് 10 മണിയോടെയാണ് മോഹനനെ ആത്മഹത്യ ചെയ്ത നിലയില്‍ കണ്ടെത്തിയത്.