പ്രളയത്തിൽ വീട് നഷ്ടപ്പെട്ട കുടുംബത്തിന് പുതിയ വീടിന്റെ താക്കോൽ ദാനം നടത്തി

 കാവുമന്ദം: കാവുമന്ദം ലൂർദ് മാതാ ഇടവക കഴിഞ്ഞവർഷം പ്രളയത്തിൽ വീട് നഷ്ടപ്പെട്ട മടയാം  കുന്നേൽ ബാബുവിന് വിവിധ സംഘടനകളായ കെ.സി.വൈ.എം, തണൽ,  വിൻസെന്റ് ഡി പ്പോൾ,  എഫ്സിസി സഹായത്താൽ 10 ലക്ഷം രൂപ മുടക്കി നിർമ്മിച്ച ഭവനത്തിന്റെ  താക്കോൽദാനം മാനന്തവാടി രൂപതാധ്യക്ഷൻ മാർ ജോസ് പൊരുന്നേടം നിർവഹിച്ചു. ഫാ.ജെയിംസ് കുന്നത്തെട്ട്,  തരിയോട് പഞ്ചായത്ത് പ്രസിഡണ്ട് ഷീജ,  കെ.സി.വൈ.എം രൂപത പ്രസിഡന്റ് എബിൻ മുട്ടപ്പള്ളി,  മെമ്പർ വിജയൻ, വിൽസൺ എന്നിവർ സംബന്ധിച്ചു. ഇടവക വികാരി ഫാദർ ബിജു മാവറ നേതൃത്വം നൽകി.