അവലോകന യോഗം ശനിയാഴ്ച മന്ത്രി എ.കെ.ശശീന്ദ്രന് പങ്കെടുക്കും:
കുരങ്ങുപനി, പക്ഷിപ്പനി, കൊറോണ എന്നിവ സംബന്ധിച്ചുള്ള ജില്ലയിലെ സ്ഥിതിഗതികള് ഗതാഗത വകുപ്പ് മന്ത്രി എ. കെ ശശീന്ദ്രന്റെ അദ്ധ്യക്ഷതയില് ശനിയാഴ്ച (മാര്ച്ച് 14) അവലോകനം ചെയ്യും. ആസൂത്രണ ഭവനിലെ എ. പി. ജെ ഹാളില് ചേരുന്ന രാവിലെ 10.30 ന് ചേരുന്ന യോഗത്തില് വിവിധ വകുപ്പുകളിലെ തല ഉദ്യോഗസ്ഥര്, പഞ്ചായത്ത് നഗരസഭ സെക്രട്ടറിമാര്, ഐ.ടി.ഡി.പി പ്രൊജക്ട് ഓഫീസര്, ട്രൈബല് ഡെവലപ്മെന്റ് ഓഫീസര്മാര്, തഹസില്ദാര്മാര് എന്നിവര് പങ്കെടുക്കണമെന്ന് ജില്ലാ കളക്ടര് ഡോ. അദീല അബ്ദുള്ള അറിയിച്ചു.
പൗള്ട്രി ഇറക്കുമതി നിരോധനം പരിമിതപ്പെടുത്തി
അയല് ജില്ലകളില് പക്ഷി പനി റിപ്പോര്ട്ട് ചെയ്ത സാഹചര്യത്തില് വയനാട് ജില്ലയിലേക്ക് പൗള്ട്രിയും അനുബന്ധ ഉല്പ്പന്നങ്ങളും കൊണ്ടുവരുന്നതിന് ഏര്പ്പെടുത്തിയ നിരോധനത്തിന് അയവുവരുത്തി. സംസ്ഥാനത്തിന് പുറത്തു നിന്നും മറ്റ് ജില്ലകളില് നിന്നും കൊണ്ടുവരുന്നതിനാണ് നേരത്തെ ജില്ലാ ഭരണകൂടം നിരോധനം ഏര്പ്പെടുത്തിയിരുന്നത്. മലപ്പുറം, കോഴിക്കോട് ജില്ലകളില് പക്ഷിപനി വ്യാപകമായതിന്റെ പശ്ചാത്തലത്തില് ജില്ലാ മൃഗ സംരക്ഷണ ഓഫീസറുടെ റിപ്പോര്ട്ടിന്റെ അടിസ്ഥാനത്തില് ഈ ജില്ലകളില് നിന്നുള്ള കോഴി ഇറക്കുമതിക്കുള്ള നിരോധനം തുടരും. അന്തര് സംസ്ഥാന ഇറക്കുമതിക്ക് നിരോധനമില്ല.
Leave a Reply