സ്പ്ലാഷ് – 2019 കായിക മത്സരങ്ങള്ക്ക് പേര് രജിസ്റ്റര് ചെയ്യണം
കൽപ്പറ്റ:
9-ാമത് സ്പ്ലാഷ് – 2019 മഴമഹോത്സവത്തിന്റെ ഭാഗമായി വയനാട് ടൂറിസം ഓര്ഗ്ഗെനൈസേഷനും, വയനാട് ജില്ലാ സ്പോര്ട്സ് കൗണ്സിലും സംയുക്തമായി സംഘടിപ്പിക്കുന്ന മഡ് ഫുട്ബോള്, മഡ് വോളീബോള്, മഡ് കബഡി, മഡ് വടംവലി, സൈക്ലിംഗ് എന്നീ മത്സരങ്ങള് 2019 ജൂലൈ 6 മുതല് 13 വരെ ജില്ലയിലെ വിവിധ കേന്ദ്രങ്ങളില് വെച്ച് നടത്തപ്പെടും. 2019 ജൂലൈ 6-ന് വള്ളിയൂര്ക്കാവിലും, പനമരത്തും, 7-ന് മുട്ടിലിലും മഡ് ഫുട്ബോള് സോണല് മത്സരങ്ങള് നടത്തപ്പെടും. 7-ന് കോട്ടത്തറയില് വെച്ച് ജില്ലാതല മഡ് വോളീബോള് മത്സരങ്ങളും, 10-ന് ചുണ്ടയില് വെച്ച് ജില്ലാതല മൗണ്ടന് സൈക്ലിംഗ് മത്സരങ്ങളും, 13-ന് കാക്കവയലില് വെച്ച് ജില്ലാതല മഡ് ഫുട്ബോള്, കബഡി, വടംവലി മത്സരങ്ങളും നടത്തപ്പെടും. 13-ന് രാവിലെ 9 മണിക്ക് കാക്കവയലില് നിന്നും ആരംഭിച്ച് കല്പ്പറ്റ എസ്.കെ.എം.ജെ. ഹയര് സെക്കന്ററി സ്കൂള് ഗ്രൗണ്ടില് അവസാനിക്കുന്ന പുരുഷ വിഭാഗം, വനിതാ വിഭാഗം, +45 പുരുഷ വിഭാഗം ജില്ലാതല മാരത്തോണ് മത്സരങ്ങളും നടത്തപ്പെടും. ജില്ലാതല മഡ് ഫുട്ബോള് മത്സര വിജയികള്ക്ക് യഥാക്രമം 7,777 രൂപ, 5,555 രൂപ, 3,333 രൂപയും, വോളിബോള്, കബഡി, വടംവലി, മൗണ്ടന് സൈക്ലിംഗ് മത്സര വിജയികള്ക്ക് യഥാക്രമം 5,000/-, 3,000/-, 1,500/- രൂപയും പ്രൈസ്മണിയായി വിതരണം ചെയ്യും. മാരത്തോണ് മത്സര വിജയികള്ക്ക് യഥാക്രമം 3,000/-, 2,000/-, 1,000/- രൂപ നിരക്കിലും പ്രൈസ്മണി വിതരണം ചെയ്യുന്നതാണ്.
മത്സരങ്ങളില് പങ്കെടുക്കുവാന് ആഗ്രഹിക്കുന്നവര് ജൂലൈ 2-ാം തീയതി വൈകുന്നേരം 3 മണിക്ക് മുമ്പായി സെക്രട്ടറി, ജില്ലാ സ്പോര്ട്സ് കൗണ്സില്, സിവില് സ്റ്റേഷന്, കല്പ്പറ്റ നോര്ത്ത്, വയനാട് എന്ന വിലാസത്തില് പേര് രജിസ്റ്റര് ചെയ്യേണ്ടതാണെന്ന് ജില്ലാ സ്പോര്ട്സ് കൗണ്സില് സെക്രട്ടറി അറിയിച്ചു. കൂടുതല് വിവരങ്ങള് 04936 202658 എന്ന നമ്പറില് ലഭിക്കും.
Leave a Reply