“യുവത്വം കൃഷിയിലേക്ക്” : എടവകയിൽ മാതൃകയായി യൂത്ത് കോഡിനേഷൻ കമ്മിറ്റിയുടെ കാർഷിക പദ്ധതി
മാനന്തവാടി:
യുവജനങ്ങളെ കൃഷിയിലേക്ക് ആകർഷിക്കുന്നതിന്
കോവിഡിന്റെ പശ്ചാത്തലത്തിൽ യൂത്ത് കോ-ഓർഡിനേഷൻ കമ്മിറ്റിയുടെ നേതൃത്വത്തിൽ യുവത്വം കൃഷിയിലേക്ക് എന്ന പേരിൽ പദ്ധതി ആരംഭിച്ചു.
വയനാട് ജില്ലയിൽ ആദ്യമായി എടവക പഞ്ചായത്ത് യൂത്ത് കോ-ഓർഡിനേഷൻ കമ്മിറ്റിയുടെ നേതൃത്വത്തിൽ ഇതോടനുബന്ധിച്ച് പഞ്ചായത്ത് പരിധിയിൽ ഉള്ള യുവ ജനങ്ങളുടെ സഹകരണത്തോടെ കർഷക ദിനാചരണവും തൈ വിതരണവും സംഘടിപ്പിച്ചു. കാർഷിക മേഖലയിൽ താൽപ്പര്യമുള്ള യുവജനങ്ങൾക്ക് ജൈവ സമ്മിശ്ര കൃഷി , ഉല്പാദന വർദ്ധനവ്, മൂല്യ വർദ്ധിത ഉല്പന്ന നിർമ്മാണം, സംസ്കരണം, വിപണനം തുടങ്ങിയവയിൽ പരിശീലനം, സാങ്കേതിക സഹായം എന്നിവ നൽകുമെന്ന് പഞ്ചായത്ത്
യൂത്ത് കോഡിനേറ്റർ കെ. വി. സിജോ കമ്മന പറഞ്ഞു. എടവക ഗ്രാമ പഞ്ചായത്ത് തല ഉദ്ഘാടനം
പ്രസിഡന്റ് ഉഷാ വിജയൻ നിർവ്വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജിൽസൺ തൂപ്പുംകര , വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ആമിനാ അവറാൻ, പഞ്ചായത്ത് പ്രതിപക്ഷ നേതാവ് മനു ജി കുഴിവേലി, കൃഷി ഓഫീസർ സുഹാസ്,
യൂത്ത് കോഡിനേറ്റർ കെ. വി. സിജോ കമ്മന, സുനിൽ ,സിനു, നിതിൻ, ജിബിൻ, ജോബി, തുടങ്ങിയവർ പങ്കെടുത്തു.
Leave a Reply