വീട്ടുവളപ്പിൽ കഞ്ചാവ് ചെടി നട്ടുവളർത്തി; യുവാവിനെതിരെ കേസെടുത്തു

കൽപ്പറ്റ: വീട്ടുവളപ്പിൽ കഞ്ചാവ് ചെടി നട്ടുവളർത്തിയ സംഭവത്തിൽ യുവാവിനെതിരെ കേസെടുത്തു. കൽപ്പറ്റ ഗൂഡലായിക്കുന്ന് പ്രശാന്താണ് വീടിനോട് ചേർന്ന് കഞ്ചാവ് ചെടി നട്ടു വളർത്തിയത്. ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ലഹരി വിരുദ്ധ സേനാംഗങ്ങളും കൽപ്പറ്റ എസ്.ഐ ഷറഫുദ്ദീനും സംഘവും നടത്തിയ പരിശോധനയിലാണ് കഞ്ചാവ് ചെടി പിടികൂടിയത്.