വനം വകുപ്പിലെ അഴിമതി അന്വേഷണം വേണമെന്ന്; സി.പി.ഐ

മാനന്തവാടി: വനം വകുപ്പിൽ നോർത്ത് വയനാട് വനം ഡിവിഷനിൽ വ്യാപകമായ അഴിമതി നടക്കുണ്ടന്നും അന്വേഷണം നടത്തണമെന്നും സി.പി.ഐ തവിഞ്ഞാൽ ലോക്കൽ കമ്മറ്റി ആവശ്യപ്പെട്ടു. ബേഗൂർ റെയിഞ്ചിൽ താൽക്കാലിക വാച്ചർമാരുടെ മസ്റ്ററോൾ തയ്യാറക്കുന്നതിലും താൽക്കാലിക വാച്ചർമാരുടെ ജോലിയിലും വലിയ അഴിമതിയാണുള്ളത്. ബേഗൂർ റെയിഞ്ചിന്റെ പരിധിയിലുള്ള മക്കിമലയിലെ മുനിശ്വരൻകുന്ന് വനം സംരക്ഷണസമതിയുടെ പ്രവർത്തനവും അന്വേഷണ വിധേയമാക്കണം. യഥാസമയം റജിസ്ട്രേഷൻ പുതുക്കുകയോ ജനറൽ ബോഡി വിളിച്ചു ചേർത്ത് വരവുചെലവ് കണക്ക് അവതരിപ്പിക്കുകയോ ചെയ്യാറില്ലെന്നും പരാതി നിലനിൽക്കുന്നുണ്ട്. ഇവിടെ നാല് വാച്ചർമാരുള്ളിടത്ത്  രണ്ട് പേരെ മാത്രം രാവും പകലും കഷ്ടപ്പെടുത്തുകയാണ്. മുമ്പ് ടൂറിസ്റ്റുകൾക്കായി ഇവിടെ നിർമ്മിച്ചിട്ടുള്ള ഹട്ടുകൾ പാടേ തകർന്ന നിലയിലാണ്. മുമ്പ് ഇത് സഞ്ചാരികൾക്ക് നൽകിയിരുന്നുവെങ്കിലും  ഇപ്പോൾ ഇത് പാടേ തകർത്തിരിക്കുകയാണ്. വനം വകുപ്പിന്റെ ഉത്തരവാദിത്വപ്പെട്ട ഉദ്യോഗസ്ഥരുടെ നിരുത്തരവാദിത്വ നിലപാടിൽ സർക്കാരിനു ലഭിക്കേണ്ടുന്ന പതിനായിരങ്ങളുടെ വരുമാനമാണ് നഷ്പ്പെടുന്നത്.മക്കിമലയിലെ വനം വകുപ്പിന്റെ പരിധിയിലുള്ള ടൂറിസത്തെ തകർത്ത് സമീപത്തുള്ള സ്വകാര്യ വൻകിട റിസോർട്ടുകാർക്ക് പ്രോൽസാഹനം നൽകുന്ന വനം വകപ്പു ഉദ്യോഗസ്ഥരുടെ നിലപാടും പ്രവർത്തനവും വനംവകുപ്പിന്റെ സ്ഥലത്തേയക്കുള്ള റോഡ് റിസോർട്ടു ഉടമകൾ അറ്റകുറ്റപണി നടത്തിയാൽ കർശന നടപടി സ്വീകരക്കേണ്ട ഉദ്യോഗസ്ഥർ ഇതൊക്കെ കണ്ടില്ലെന്നു നടപടിക്കുകയാണ്. വനം വകുപ്പിലെ ജീവനക്കാർക്ക് ദിവസവും ഭക്ഷണം വെക്കലും വിളമ്പലും നടത്തുന്ന താൽക്കാലിക വാച്ചർമാർ വരെയുണ്ട്. വാച്ചർമാർക്ക് മസ്റ്ററോൾ എഴുതി ശമ്പളം നൽകുന്നതിലെ ക്രമക്കേടും അന്വേഷിക്കണം. ഇത് സംബന്ധിച്ച് നടപടിക്കായി സി.പി.ഐ തവിഞ്ഞാൽ ലോക്കൽ കമ്മറ്റി പരാതി നൽകുമെന്നും അറിയിച്ചു.യോഗത്തിൽ ലോക്കൽ സെക്രട്ടറി  പി.ദിനേശ് ബാബു റിപ്പോർട്ട് അവതരിപ്പിച്ചു.  പി. റയീസ് അധ്യക്ഷത വഹിച്ചു. തോമസ് നിരപ്പേൽ, ജയിംസ് അയനിക്കൽ എന്നിവർ പ്രസംഗിച്ചു.