പട്ടിക ജാതി പട്ടിക വർഗ വിദ്യാർത്ഥികൾക്ക് കോഫീ ബോർഡ് സഹായം

കോഫീ ബോർഡ്ന്റെ  തൊഴിലാളി ക്ഷേമ നിധിയിൽ നിന്നും പട്ടിക  ജാതി പട്ടിക വർഗ വിദ്യാർത്ഥികൾക്ക് 2019-20  സാമ്പത്തിക വർഷത്തിലേക്ക്  ഉള്ള ആനുകൂല്യങ്ങൾക്ക് അപേക്ഷ ക്ഷണിച്ചു .

കാപ്പി തോട്ടങ്ങളിലോ അംഗീകൃത സംസ്കരണ ശാലകളിലോ ജോലി ചെയ്യുന്ന  പട്ടിക ജാതി പട്ടിക വർഗ  വിഭാഗത്തിൽ പെടുന്ന തൊഴിലാളികളുടെ മക്കൾക്ക് ആണ് സഹായ ധനത്തിനു അർഹത .

സർക്കാർ വിദ്യാലയങ്ങളിലോ സർക്കാർ അംഗീകൃത വിദ്യാലയങ്ങളിലോ പ്ലസ് വൺ, ഡിപ്ലോമ, ബിരുദ ബിരുദാനന്തര കോഴ്സുകളിൽ പ്രവേശനം നേടിയ വിദ്യാർത്ഥികൾക്ക് അപേക്ഷിക്കാം.

കൂടാതെ മെഡിക്കൽ, എഞ്ചിനീയറിങ്, അഗ്രികൾച്ചർ, ഫാർമസി, ബി എസ് സി നഴ്‌സിംഗ് വിദ്യാർത്ഥികൾക്കും സഹായ ധനത്തിന് അർഹത ഉണ്ടായിരിക്കും .

ഫോട്ടോ,  ആധാർ കാർഡ്, മാർക്ക് ലിസ്റ്റ് , ജാതി സർട്ടിഫിക്കറ്റ്, ആധാറുമായി ബന്ധപ്പെടുത്തിയ ബാങ്ക് പാസ് ബുക്ക് കോപ്പി , റേഷൻ കാർഡ് കോപ്പി എന്നിവയുടെ പകർപ്പുകൾ സ്വയം സാക്ഷ്യപ്പെടുത്തി അപേക്ഷയോടോപ്പം വയ്ക്കണം. 

അപേക്ഷ ഫോം കോഫി ബോർഡ് ഓഫീസുകളിൽ ലഭിക്കും. 

പൂരിപ്പിച്ച അപേക്ഷകൾ ബന്ധപ്പെട്ട രേഖകൾ സഹിതം അതാത് ലൈസണ് ഓഫീസുകളിൽ നവമ്പർ 14 നകം ലഭിക്കണമെന്ന് ഡെപ്യൂട്ടി ഡയറക്റ്റർ അറിയിച്ചു.