ജില്ലയിലേക്ക് കർശന പ്രവേശന നിയന്ത്രണമെന്ന് പോലീസ് : അന്യ ജില്ലയിൽ നിരീക്ഷണത്തിലുള്ളവർ വയനാട്ടിലേക്ക് കടക്കാതിരിക്കാനാണ് നിയന്ത്രണമെന്ന് കലക്ടർ

വയനാട്ടിൽ നിന്ന് കെ.എസ്.ആർ.ടിസി, സ്വകാര്യ ബസ്സുകൾക്ക് മറ്റ് ജില്ലകളിലേക്ക് പോകുന്നതിന് നിയന്ത്രണമുണ്ടാവില്ലെന്ന് ജില്ലാ കലക്ടർ അറിയിച്ചു. കണ്ണൂർ, കോഴിക്കോട് ജില്ലകളിൽ നിന്ന് സ്വകാര്യ ബസ്സുകൾ വരുന്നതിനും തടസ്സമുണ്ടാവില്ല. മറ്റ് ജില്ലകളിൽ ക്വാറൻ്റയിൻ നിർദ്ദേശിക്കപ്പെട്ടവർ വയനാട്ടിൽ തങ്ങുന്നതായി വിവരം ലഭിച്ചതിൻ്റെ അടിസ്ഥാനത്തിലാണ് നിയന്ത്രണം ഏർപ്പെടുത്തിയിട്ടുള്ളത്. അത്യാവശ്യ കാര്യങ്ങൾക്ക് വരുന്നവരെ എവിടേയും തടഞ്ഞു നിർത്തില്ല. തിരിച്ചറിയൽ രേഖ സഹിതം സന്ദർശനത്തിൻ്റെ ആവശ്യം പൊലീസിനെ അറിയിച്ചാൽ പ്രവേശനം അനുവദിക്കുന്നതാണ്. വയനാട്ടുകാർക്ക് മറ്റ് ജില്ലകളിലേക്ക് പോകുന്നതിനും തടസ്സമുണ്ടാവില്ല.