ബസ്സുടമകൾ നിരക്ക് വർധന നടപ്പിലാക്കണമെന്നാവശ്യപ്പെട്ട് സമരത്തിലേക്ക്
പാലക്കാട് : പല ചർച്ചകളിലും ഉറപ്പ് നൽകിയ ബസ്സ് ചാർജ് വർധിപ്പിക്കാത്തതിൽ പ്രതിഷേധിച്ച് , നിരക്ക് വര്ധന ആവശ്യപ്പെട്ട് സംസ്ഥാനത്തെ സ്വകാര്യ ബസുകള് പണിമുടക്കിലേക്ക്.
രണ്ട് ദിവസത്തിനുള്ളില് സര്ക്കാര് തീരുമാനമുണ്ടായില്ലെങ്കില് സമരത്തിലേക്ക് പോകുമെന്ന് ബസ് ഓപ്പറേറ്റേഴ്സ് ഓര്ഗനൈസേഷന് അറിയിച്ചു.
മിനിമം ചാര്ജ്ജ് എട്ടില് നിന്ന് പന്ത്രണ്ടായി ഉയര്ത്തണമെന്ന് ഗതാഗത മന്ത്രിയുമായി നവംബറില് നടത്തിയ ചര്ച്ചയില് ബസുടമകള് ആവശ്യപ്പെട്ടിരുന്നു. രണ്ട് മാസം കഴിഞ്ഞിട്ടും സര്ക്കാര് തീരുമാനം ഉണ്ടാകാത്ത സാഹചര്യത്തിലാണ് അനിശ്ചിത കാല സമരത്തിലേക്ക് പോകാന് സ്വകാര്യ ബസുടമകള് തയാറെടുക്കുന്നത്. ഒപ്പം ടാക്സ് ഇളവും സംഘടന ആവശ്യപ്പെടുന്നു
ഫെബ്രുവരി ആദ്യവാരം നടക്കുന്ന മന്ത്രിസഭാ യോഗത്തിലും നിരക്കു വര്ധിപ്പിക്കുന്ന കാര്യത്തില് തീരുമാനമുണ്ടായില്ലെങ്കില് യോഗം ചേര്ന്ന് അനിശ്ചിത കാല സമരം തീരുമാനിക്കും. ഏഴായിരത്തിയഞ്ഞൂറ് സ്വകാര്യ ബസുകളാണ് സംസ്ഥാനത്ത് ഇപ്പോള് സര്വ്വീസ് നടത്തുന്നത്. നിരക്ക് വർധന നടപ്പാക്കണമെന്നാവശ്യപ്പെട്ട് ഡിസംബറിൽസമരം പ്രഖ്യാപിച്ചെങ്കിലും ക്രിസ്തുമസ്, ന്യൂ ഇയര് തിരക്ക് പ്രമാണിച്ച് സമരം പിന്വലിച്ചിരുന്നു.
Leave a Reply