ബത്തേരിയിലെ സമരം: മാനന്തവാടി എം.എൽ.എ. നിലപാട് വ്യക്തമാക്കണമെന്ന് യുവമോർച്ച
കല്‍പ്പറ്റ: ദേശീയപാത 766ലെ യാത്രാ നിരോധനത്തിനെിരെ
വയനാട്ടിലെ മുഴുവന്‍ ജനങ്ങളും ഒറ്റക്കെട്ടായി സമരരംഗത്ത് കൈകോര്‍ക്കുമ്പോള്‍
നിസ്സംഗത പാലിക്കുന്ന മാനന്തവാടി എംഎല്‍എ: ഒ.ആര്‍ കേളു നിലപാട് വ്യക്തമാക്കണമെന്ന് യുവമോര്‍ച്ച മാനന്തവാടി നിയോജകമണ്ഡലം കമ്മിറ്റി ആവശ്യപ്പെട്ടു. വയനാട്ടിലെ മറ്റ് രണ്ട് എംഎല്‍എ മാരും യാത്രാനിരോധന വിഷയത്തില്‍ ജനങ്ങള്‍ക്കൊപ്പം സമരമുഖത്ത് അണിനിരക്കുമ്പോള്‍
ഉത്തരവാദിത്വമുള്ള ജനപ്രതിനിധി എന്ന നിലയില്‍ ഈ വിഷയത്തില്‍ ഇടപെടാനോ തന്റെ നിലപാട് വ്യക്തമാക്കാനോ സാധിക്കാത്ത മാനന്തവാടി എംഎല്‍എ തികഞ്ഞ പരാജയമാണെന്നും യോഗം കുറ്റപ്പെടുത്തി. യുവമോര്‍ച്ച മണ്ഡലം പ്രസിഡന്റ് സുരേഷ് പെരിഞ്ചോല അധ്യക്ഷത വഹിച്ചു, ഷിബു തോല്‍പ്പെട്ടി, ദിലീപ് കണിയാരം, വൈശാഖ് തലപ്പുഴ എന്നിവര്‍ സംസാരിച്ചു.
Leave a Reply