ആശങ്കയുണർത്തി വീടിനുള്ളിലെ ചിതൽപ്പുറ്റ്
പുൽപ്പള്ളി : ആശങ്കയുണർത്തി വീടിനുള്ളിലെ ചിതൽപ്പുറ്റ്.
പുൽപ്പള്ളി, സീതാമൗണ്ട് കൊളവള്ളി ആദിവാസി കോളനിയിലെ ഗോപിയും, കുടുംബവും താമസിക്കുന്ന വീടിനുള്ളിലാണ് ഈ ചിതൽപ്പുറ്റ് രൂപം കൊണ്ടിരുന്നത്.
എഴുപതോളം ആദിവാസി കുടുംബങ്ങൾ ഈ കോളനിയിൽ താമസിക്കുന്നുണ്ട്.
വനാന്തരത്തിൽ പോലും കാണാൻ കഴിയാത്ത തരത്തിൽ ഏതാണ്ട് ഒരാൾ പൊക്കത്തിൽ വളർന്ന ശിഖരങ്ങളോടുകൂടി നിൽക്കുന്ന ചിതൽപ്പുറ്റാണിത്.
വലിയ ശിഖരങ്ങളോടുകൂടി നിൽക്കുന്ന ഈ ചിതൽപ്പുറ്റിനുള്ളിൽ പലതരത്തിലുള്ള ഇഴജന്തുക്കളുമുണ്ട്.
ഗോപിയും കുടുംബവും പലതവണ ഈ ചിതൽപ്പുറ്റ് പൊളിച്ചു മാറ്റിയെങ്കിലും പൂർവസ്ഥിതിയിൽ വളർന്നുകൊണ്ടിരിക്കും ഇത്.
ആദ്യം ഇവിടെ താമസിച്ചിരുന്നവർ ഈപുറ്റിനു ചുറ്റും വിലക്ക് കത്തിച്ചു വെച്ചിരുന്നു.
പ്രകൃതിയുടെ ഈ വികൃതി കാണാൻ ധരാളം സഞ്ചാരികളും ഇവിടെ എത്തിച്ചേർന്നിരുന്നു.
Leave a Reply