പോലീസ് മർദ്ദനം: കുറ്റകാർക്കെതിരെ നടപടി വേണം. : പി.കെ. ജയലക്ഷ്മി.

കൽപ്പറ്റ: വയനാട് ജില്ലാ പോലീസ് മേധാവിയുടെ ഓഫീസിലേക്ക് മാർച്ച് നടത്തിയ  യൂത്ത്  കോൺഗ്രസ് പ്രവർത്തകർക്ക് നേരെ ഉണ്ടായ പോലീസ് അതിക്രമത്തിൽ കുറ്റക്കാരായവർക്കെതിരെ കർശന നടപടി സ്വീകരിക്കണമെന്ന് മുൻമന്ത്രിയും എ ഐ സി സി അംഗവുമായ പി .കെ . ജയലക്ഷ്മി ആവശ്യപ്പെട്ടു. സമരം ഉദ്ഘാടനം ചെയ്യാനെത്തിയ  മുൻ എം എൽ എ എൻ .ഡി അപ്പച്ചൻ ഉൾപ്പെടെയുള്ളവരെയാണ് പോലീസ് അകാരണമായി അതിക്രൂരമായി മർദ്ദിച്ചത്. സ്വർണ്ണക്കള്ളക്കടത്ത് കേസിൽ ഇടതുപക്ഷ സർക്കാരിന് ഉണ്ടായ  വീഴ്ചകളും സർക്കാരിനെതിരെയുള്ള ജന രോഷവും വഴിതിരിച്ചുവിടാൻ ആണ് ഇത്തരം ലാത്തിചാർജ്ജ് നടത്തുന്നത്.ജനാധിപത്യരീതിയിൽ പ്രതിഷേധിക്കുന്നവരെ അടിച്ചമർത്താനുള്ള ഭരണകൂട തീരുമാനം പ്രതിഷേധാർഹമാണെന്നും പി കെ ജയലക്ഷ്മി പ്രസ്താവനയിൽ പറഞ്ഞു.