ജില്ല ബ്ലോക്ക് പഞ്ചായത്ത്; സംവരണ മണ്ഡലം നറുക്കെടുപ്പ് ഒക്ടോബര്‍ 5 ന്

തദ്ദേശ സ്വയം ഭരണ സ്ഥാപനങ്ങളിലേക്ക് നടക്കുന്ന പൊതു തിരഞ്ഞെടുപ്പില്‍ ജില്ല, ബ്ലോക്ക് പഞ്ചായത്തുകളുടെ സംവരണ മണ്ഡലം നിശ്ചയിക്കുന്നതിനുളള നറുക്കെടുപ്പ് ഒക്ടോബര്‍ 5 ന് കളക്ട്രേറ്റ് കോണ്‍ഫറന്‍സ് ഹാളില്‍ നടക്കും. രാവിലെ 10 മുതല്‍ 10.20 – മാനന്തവാടി, 10.20 മുതല്‍ 10.40 വരെ – സുല്‍ത്താന്‍ ബത്തേരി, 10.40 മുതല്‍ 11 വരെ – പനമരം, 11 മുതല്‍ 11.20 വരെ – കല്‍പ്പറ്റ എന്നിങ്ങനെയാണ് ബ്ലോക്കുകളുടെ  നറുക്കെടുപ്പ്. ജില്ലാ പഞ്ചായത്തിലേക്കുളള നറുക്കെടുപ്പ് വൈകീട്ട് 4 മുതല്‍ 4.30 വരെയാണ്. നറുക്കെടുപ്പ് സമയത്ത് ബ്ലോക്ക്, ജില്ലാ പഞ്ചായത്ത് പ്രതിനിധീകരിച്ച് രാഷ്ട്രീയ പാര്‍ട്ടികളുടെ ഓരോ പ്രതിനിധികള്‍ക്ക് പങ്കെടുക്കാം.  കൊവിഡ് 19 നുമായി ബന്ധപ്പെട്ട എല്ലാ മാനദണ്ഡങ്ങളും നറുക്കെടുപ്പ് സമയത്ത് പാലിക്കണമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥന്‍ അറിയിച്ചു.