ദൃശ്യ- നാട്യ – വാദ്യ കലകളിൽ വിദ്യാരംഭവും സർഗ്ഗോത്സവവും എട്ടിന് കൽപ്പറ്റയിൽ.

കൽപ്പറ്റ: വിജയദശമിയോടനുബന്ധിച്ച്  കൽപ്പറ്റയിൽ ദൃശ്യ- നാട്യ – വാദ്യ കലകളിൽ വിദ്യാരംഭവും സർഗ്ഗോത്സവവും ഒക്ടോബർ  എട്ടിന് ചൊവ്വാഴ്ച നടക്കും. നിർഝരി നാട്യ- ദൃശ്യ കലാകേന്ദ്രത്തിന്റെ ആഭിമുഖ്യത്തിലാണ് പരിപാടി. ഭരതനാട്യം, ശാസ്ത്രീയ സംഗീതം, വയലിൻ, കീബോർഡ് ,ചെണ്ടവാദ്യം ,ഗിറ്റാർ, ചിത്രരചന,എന്നിവയിൽ വിദ്യാരംഭ ചടങ്ങുകൾ രാവിലെ 9.30-ന് കൽപ്പറ്റ ലിയോ ഹോസ്പിറ്റൽ റോഡിലെ കെ.ആർ.കെ. ബിൽഡിംഗിൽ നടക്കും. ചിത്ര പ്രദർശനം, സംഗീതം,  നൃത്തം എന്നിവയടങ്ങിയ  സർഗ്ഗോത്സവം വൈകുന്നേരം അഞ്ച് മണിക്ക് കൽപ്പറ്റ ടൗൺ ഹാളിലും നടക്കും.  പങ്കെടുക്കാൻ താൽപ്പര്യമുള്ളവർ 9447318995, 9847 208025 .എന്നീ നമ്പറുകളിൽ ബന്ധപ്പെടണം.