കോൺഗ്രസിന്റെ പ്രവർത്തനം: വയനാട്ടിൽ ഒരു ബ്ലോക്ക് പ്രസിഡണ്ടും 9 ഡി.സി. സി ഭാരവാഹികളും ചുവപ്പ് കാറ്റഗറിയിൽ .

കോൺഗ്രസ് ജില്ലാ റിവ്യു നടത്തി:

കൽപ്പറ്റ :
: കോൺഗ്രസ് കമ്മിറ്റികളുടേയും ഭാരവാഹികളുടെയും പ്രവർത്തന മികവ് വിലയിരുത്തുന്നതിനുള്ള വയനാട് ജില്ലയിലെ പ്രഥമ ജില്ലാതല റിവ്യൂ നടന്നു.
വയനാട്
ഡി.സി.സി. ഭാരവാഹികളുടേയും ബ്ലോക്ക് പ്രസിഡണ്ടുമാരുടേയും ഒരു ദിവസം മുഴുവൻ നീണ്ടു നിന്ന റിവ്യുവിന് പെർഫോർമൻസ് അസ്സസ്സ്മെൻ്റിൻ്റെ സംസ്ഥാന ചുമതലയുള്ള കെ.പി.സി.സി. ജനറൽ സെക്രട്ടറി അഡ്വ. സജീവ് ജോസഫ്, ജില്ലാ ചുമതലയുള്ള കെ പി.സി.സി.ജനറൽ സെക്രട്ടറി വി.എ.കരിം, ഡി.സി.സി. പ്രസിഡണ്ട് ഐ.സി. ബാലകൃഷ്ണൻ എം.എൽ.എ എന്നിവർ നേതൃത്വം നൽകി. പെർഫോമൻസ് അസസ്മെൻറിൻ്റെ ജില്ലാ ചുമതല ഡി സി സി ജനറൽ സെക്രട്ടറി ബിനു തോമസിനാണ്.

പരിശോധനയിൽ ജില്ലയിലെ 5 ബ്ലോക്ക് പ്രസിഡണ്ടുമാരിൽ 3 പേർ പച്ച കാറ്റഗറിയിലും ഒരാൾ മഞ്ഞ കാറ്റഗറിയിലും ഒരാൾ ചുവപ്പ് കാറ്റഗറിയിലുമായി.

33 ഡി.സി.സി. ഭാരവാഹികളിൽ 11 പേർ പച്ച കാറ്റഗറിയിലും 13 പേർ മഞ്ഞ കാറ്റഗറിയിലുമായി. 9 പേർ ചുവപ്പ് കാറ്റഗറിയിലാണ്.

കെ.പി.സി.സി.നടപ്പിലാക്കുന്ന
വിലയിരുത്തലിൽ മികച്ച പ്രവർത്തനം നടത്തുന്നവർ പച്ചയിലും ശരാശരിക്കാർ മഞ്ഞയിലും ശരാശരിയിൽ താഴെയുള്ളവർ ചുവപ്പിലുമാണ് ഉൾപ്പെടുക.

ജൂലൈ , ആഗസ്റ്റ്, സെപ്തംബർ എന്നീ മൂന്ന് മാസത്തെ പ്രവർത്തന റിപ്പോർട്ടിൻ്റെ അടിസ്ഥാനത്തിലാണ് ആദ്യ വിലയിരുത്തൽ നടന്നത്. ഇനി മുതൽ ജില്ലയിൽ എല്ലാ മാസവും റിവ്യൂ നടത്തും. ആദ്യ റിവ്യൂവിൽ പിന്നിൽ പോയവരോട് തിരുത്തൽ നടപടികൾ നിർദ്ദേശിച്ചിട്ടുണ്ട്