വയനാട് ജില്ലയില്‍ ഇന്ന് 99 പേര്‍ക്ക് കോവിഡ്;134 പേര്‍ക്ക് രോഗമുക്തി


Ad

കൽപ്പറ്റ:വയനാട് ജില്ലയില്‍ ഇന്ന് 99 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 134 പേര്‍ രോഗമുക്തി നേടി. 98 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഒരു ആരോഗ്യപ്രവര്‍ത്തകനും രോഗം സ്ഥിരീകരിച്ചു. രണ്ട് പേരുടെ സമ്പര്‍ക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 26893 ആയി. 25270 പേര്‍ ഇതുവരെ രോഗമുക്തരായി. നിലവില്‍ 1362 പേരാണ് ചികിത്സയിലുള്ളത്. ഇവരില്‍ 1223 പേര്‍ വീടുകളിലാണ് ഐസൊലേഷനില്‍ കഴിയുന്നത്.

*രോഗം സ്ഥിരീകരിച്ചവര്‍*
പൂതാടി സ്വദേശികളായ 12 പേര്‍, മേപ്പാടി 9 പേര്‍, കല്‍പ്പറ്റ, മീനങ്ങാടി, പുല്‍പ്പള്ളി, നൂല്‍പ്പുഴ 8 പേര്‍ വീതം, എടവക, മുട്ടില്‍, വൈത്തിരി, തവിഞ്ഞാല്‍ 6 പേര്‍ വീതം, അമ്പലവയല്‍, കണിയാമ്പറ്റ, മാനന്തവാടി 4 പേര്‍ വീതം, കോട്ടത്തറ, നെന്മേനി രണ്ടു പേര്‍ വീതം, മൂപ്പൈനാട്, പടിഞ്ഞാറത്തറ, പൊഴുതന, ബത്തേരി, വെങ്ങപ്പള്ളി, സ്വദേശികളായ ഓരോരുത്തരുമാണ് സമ്പര്‍ക്കത്തിലൂടെ രോഗബാധിതരായത്. ഹൈദരാബാദില്‍ നിന്ന് വന്ന നെന്മേനി സ്വദേശിയാണ് ഇതര സംസ്ഥാനത്തു നിന്ന് എത്തി രോഗബാധിതനായത്.

*134 പേര്‍ക്ക് രോഗമുക്തി*
വേങ്ങപ്പള്ളി സ്വദേശികളായ 5 പേര്‍, പൊഴുതന 3 പേര്‍, നെന്മേനി, ബത്തേരി, പനമരം രണ്ട് പേര്‍ വീതം, അമ്പലവയല്‍ എടവക, കല്‍പ്പറ്റ, കണിയാമ്പറ്റ, മുപ്പൈനാട്, നൂല്‍പ്പുഴ, പൂതാടി, പുല്‍പ്പള്ളി, വെള്ളമുണ്ട, തൊണ്ടര്‍നാട് സ്വദേശികളായ ഓരോരുത്തരും, ഒരു കോഴിക്കോട് സ്വദേശിയും, വീടുകളില്‍ ചികിത്സയിലായിരുന്ന 109 പേരുമാണ് രോഗം ഭേദമായതിനെ തുടര്‍ന്ന് ഡിസ്ചാര്‍ജ് ആയത്.

*241 പേര്‍ പുതുതായി നിരീക്ഷണത്തില്‍*
കോവിഡുമായി ബന്ധപ്പെട്ട് ജില്ലയില്‍ ഇന്ന് (28.02.21) പുതുതായി നിരീക്ഷണത്തിലായത് 241 പേരാണ്. 457 പേര്‍ നിരീക്ഷണക്കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 5172 പേര്‍. ഇന്ന് പുതുതായി 19 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് ഇന്ന് 1352 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 286119 സാമ്പിളുകളില്‍ 277277 പേരുടെ ഫലം ലഭിച്ചു. ഇതില്‍ 250384 നെഗറ്റീവും 26893 പോസിറ്റീവുമാണ്.

AdAd Ad

Leave a Reply

Leave a Reply

Your email address will not be published. Required fields are marked *