ഓണനാളിലും ലഹരിവേട്ട : മുത്തങ്ങയിൽ എം ഡി എം എ യുമായി യുവാക്കൾ പിടിയിൽ
മുത്തങ്ങ : മുത്തങ്ങ എക്സൈസ് ചെക്ക് പോസ്റ്റിൽ വച്ച് നടത്തിയ വാഹന പരിശോധനയിൽ മൈസൂർ-കോഴിക്കോട് ബസ്സിൽ നിന്നും യാത്ര ചെയ്തു വന്നിരുന്ന കൊല്ലം സ്വദേശിയായ തുഷാര വീട്ടിൽ വിഷ്ണു.എസ് ( 20) തിരുവനന്തപുരം സ്വദേശിയായ ഗംഗാലയം ഹർഷ് എസ്.ജി (24 )
എന്നിവരെ പരസ്പര ധാരണയോടും കൂട്ടുത്തരവാദിത്വത്തോടും കൂടി 0.6 ഗ്രാം എം.ഡി. എം. എ . കൈവശം വച്ച കുറ്റത്തിന് അറസ്റ്റ് ചെയ്തു. പാർട്ടിയിൽ എക്സൈസ് ഇൻസ്പെക്ടർ ജോസഫ് പി.എ, പ്രിവൻ്റീവ് ഓഫീസർ കെ.പി ലത്തീഫ്, ബാബുരാജ് വി. സിവിൽ എക്സൈസ് ഓഫീസർമാരായ അനൂപ്, സോമൻ എന്നിവർ പങ്കെടുത്തു. പ്രതികളെ തുടർനടപടികൾക്കായി സുൽത്താൻബത്തേരി റേഞ്ച് ഓഫീസിൽ ഹാജരാക്കി.
Leave a Reply