വയനാട് ജില്ലയിൽ ഇന്ന് 85 പേര്‍ക്ക് കൂടി കോവിഡ്: എല്ലാവര്‍ക്കും സമ്പര്‍ക്കത്തിലൂടെ രോഗബാധ


Ad

കൽപ്പറ്റ:വയനാട് ജില്ലയില്‍ ഇന്ന് 85 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 173 പേര്‍ രോഗമുക്തി നേടി. 2 ആരോഗ്യ പ്രവര്‍ത്തവര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. 2 പേരുടെ സമ്പര്‍ക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 25623 ആയി. 23820 പേര്‍ ഇതുവരെ രോഗമുക്തരായി. നിലവില്‍ 1560 പേരാണ് ചികിത്സയിലുള്ളത്. ഇവരില്‍ 1327 പേര്‍ വീടുകളിലാണ് ഐസൊലേഷനില്‍ കഴിയുന്നത്.

*രോഗം സ്ഥിരീകരിച്ചവര്‍*
പനമരം സ്വദേശികള്‍ 10, മീനങ്ങാടി 8, എടവക, കണിയാമ്പറ്റ, മുട്ടില്‍ 7 പേര്‍ വീതം, ബത്തേരി, പടിഞ്ഞാറത്തറ, പുല്‍പള്ളി, തവിഞ്ഞാല്‍ 6 പേര്‍ വീതം, കല്‍പ്പറ്റ, പൊഴുതന 4 പേര്‍ വീതം, അമ്പലവയല്‍, തിരുനെല്ലി 3 പേര്‍ വീതം, മാനന്തവാടി, വൈത്തിരി 2 പേര്‍ വീതം, മേപ്പാടി, മൂപ്പൈനാട്, തരിയോട്, തൊണ്ടര്‍നാട് 1 വീതം എന്നിങ്ങനെയാണ് സമ്പര്‍ക്കത്തിലൂടെ രോഗബാധി തരായത്.

*173 പേര്‍ക്ക് രോഗമുക്തി*
പുല്‍പള്ളി സ്വദേശികള്‍ 6, ബത്തേരി, പനമരം, തിരുനെല്ലി, എടവക 2 പേര്‍ വീതം, കല്‍പ്പറ്റ, കണിയാമ്പറ്റ, മാനന്തവാടി, പൂതാടി, നൂല്‍പ്പുഴ, നെന്മേനി, തൊണ്ടര്‍നാട്, വൈത്തിരി, മുട്ടില്‍ 1 വീതം, കോട്ടയം സ്വദേശി 1, വീടുകളില്‍ ചികിത്സയിലുള്ള 149 പേരുമാണ് രോഗമുക്തരായത്.

*523 പേര്‍ പുതുതായി നിരീക്ഷണത്തില്‍*
കോവിഡുമായി ബന്ധപ്പെട്ട് ജില്ലയില്‍ ഇന്ന് (17.02.21) പുതുതായി നിരീക്ഷണത്തിലായത് 523 പേരാണ്. 509 പേര്‍ നിരീക്ഷണക്കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 6419 പേര്‍. ഇന്ന് പുതുതായി 36 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് ഇന്ന് 1416 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 272289 സാമ്പിളുകളില്‍ 268823 പേരുടെ ഫലം ലഭിച്ചു. ഇതില്‍ 243200 നെഗറ്റീവും 25623 പോസിറ്റീവുമാണ്.

AdAd Ad

Leave a Reply

Leave a Reply

Your email address will not be published. Required fields are marked *