ഫ്രണ്ട് ഓഫീസ് സേവനങ്ങൾ മെച്ചപ്പെടുത്താനൊരുങ്ങി കൽപ്പറ്റ നഗരസഭ.

കൽപ്പറ്റ : നവീകരിച്ച ഫ്രണ്ട് ഓഫീസ് വഴി പൊതുജനങ്ങൾക്കുള്ള സേവനങ്ങൾ  കൂടുതൽ ലളിതവും സുതാര്യവുമാക്കാനൊരുങ്ങി നഗരസഭ.   ഫ്രണ്ട് ഓഫീസിൽ 4 കൌണ്ടറുകൾ സജ്ജീകരിച്ചാണ് മാറ്റങ്ങൾ വരുത്തിയിട്ടുള്ളത്.

നഗരസഭ ഓഫീസിനുള്ളിൽ പ്രവർത്തിച്ചിരുന്ന ക്യാഷ് കൌണ്ടർ, ആരോഗ്യ വിഭാഗവുമായി ബന്ധപ്പെട്ട ജനന – മരണ/വിവാഹ രെജിസ്ട്രേഷൻ, ലൈസൻസ് എന്നിവക്കായി ഒരു കൌണ്ടറും, നഗരസഭയിൽ നിന്നും ലഭിക്കുന്ന സർട്ടിഫിക്കറ്റുകൾ, അന്വേഷണത്തിനായി ഒരു കൌണ്ടറും, അപേക്ഷകൾ സ്വീകരിക്കുന്നതിനായി ഒരു കൌണ്ടറും എന്നാ അടിസ്ഥാനത്തിലാണ് ക്രമീകരണം ചെയ്തിട്ടുള്ളത്. ബിൽഡിംഗ്‌ പെർമിറ്റുമായി ബന്ധപ്പെട്ട ഒരു പ്രത്യേക കൌണ്ടർ എല്ലാ ബുധനാഴ്ചയും സജീകരിച്ചിട്ടുണ്ട്. നിലവിലുള്ള മാറ്റങ്ങൾ പൊതുജനങ്ങൾ ഓഫീസിൽ വിവിധ സെക്ഷനുകളിൽ കയറി ഇറങ്ങുന്നത് ഒഴിവാകുന്നതരത്തിലാണ്. 

ഇനി മുതൽ സർട്ടിഫിക്കറ്റുകൾ കാലതാമസം കൂടാതെ ഫ്രണ്ട് ഓഫീസ് വഴി നിശ്ചയിച്ച സമയങ്ങളിൽ നൽകാനാകും.

നവീകരിച്ച ഫ്രണ്ട് ഓഫീസ് ഡിസംബർ ഒന്നിന് നഗരസഭ ചെയർമാൻ മുജീബ് കേയംതൊടി  ഉദ്ഘടനം ചെയ്യും.