വേൾഡ് മലയാളി കൗൺസിൽ വയനാട് ചാപ്റ്റർ ഓൺലൈൻ മീറ്റിങ്ങ് നടത്തി

കൽപ്പറ്റ : വേൾഡ് മലയാളി കൗൺസിൽ വയനാട് ഓൺലൈൻ മീറ്റിംഗ് പ്രസിഡണ്ട് അഡ്വ: എ.ജെ ആൻ്റണിയുടെ അദ്ധ്യക്ഷതയിൽ ചേർന്നു.19 ന് ഞായറാഴ്ച മൂന്ന്  മണിക്ക് കൈനാട്ടി പത്മപ്രഭാ ഗ്രന്ഥാലയത്തിൽ വെച്ച് നടക്കുന്ന ബഹ്റൈൻ ഗ്ലോബൽ മീറ്റിങ്ങിൽ വയനാടിനെ പ്രതിനിധീകരിക്കുന്ന അഡ്വ: എ ജെ ആൻ്റണിക്കുള്ള യാത്രയയപ്പും സൗഹൃദ സംഗമവും വിജയിപ്പിക്കാനും മുഴുവൻ അംഗങ്ങളും കുടുംബങ്ങളേയും സൗഹൃദങ്ങളേയും പങ്കെടുപ്പിക്കാനും തീരുമാനിച്ചു.പരിപാടിയുടെ ഉദ്ഘാടകനായി വയനാട് ജില്ലാ പഞ്ചായത്ത് പ്രസിഡണ്ട് സംഷാദ് മരക്കാരെ നിശ്ചയിച്ചു.യോഗത്തിൽ രാജീവ് മേനോൻ സ്വാഗതം പറഞ്ഞു. ജനറൽ സെക്രട്ടറി ഗഫൂർ വെണ്ണിയോട് റിപ്പോർട്ട് അവതരിപ്പിച്ചു.