കൈവശഭൂമിയിൽ തോട്ടം ഉടമയും റവന്യൂ വകുപ്പുദ്യോഗസ്ഥനും ചേർന്ന് വേലി പൊളിച്ചതായി പരാതി.

  എൽ സ്റ്റൺ എസ്റ്റേറ്റിലെ സ്ഥിരം തൊഴിലാളിയായ     അന്നക്കുട്ടിയുടെ മാതാപിതാക്കൾക്ക്  1960-ൽ തോട്ടം ഉടമയായ സൂര്യമ്പത്ത് ജന്മി കുടുംബം ദാനമായി നൽകിയതാണ് ഭൂമി . തൊഴുത്ത് നിർമ്മിച്ച്  കാലി വളർത്തുന്നതിന് നൽകിയ ഭൂമിയിൽ പിന്നീട് ഇവർ വീട് വെച്ച് താമസമാക്കി. വർഷങ്ങൾക്ക് ശേഷം പുതിയ മാനേജ്മെന്റായ എൽ സ്റ്റൺ എസ്റ്റേറ്റ് ഉടമകൾ വീട് നശിപ്പിച്ചപ്പോൾ  പൊലീസിൽ അന്നക്കുട്ടിയും കുടുംബവും പരാതി നൽകിയിരുന്നു. 2016-17 ൽ കൽപ്പറ്റ വില്ലേജിൽ 20 സെന്റ് സ്ഥലത്തിന് നികുതി സ്വീകരിക്കുകയും ചെയ്തു. നിലവിൽ കൽപ്പറ്റ കോടതിയിൽ കേസും ഇൻഞ്ചക്ഷൻ ഉത്തരവും നിലനിൽക്കെയാണ് വേലി പൊളിച്ചതെന്നും  പ്രശ്ന പരിഹാരത്തിന് നേതൃത്വം നൽകേണ്ട ഉദ്യോഗസ്ഥന്റെ നേതൃത്വത്തിൽ  നിയമ ലംഘനം നടത്തിയതെന്നും ഇവർ പറഞ്ഞു. കേസ് ഈ മാസം 20-ന് പരിഗണിക്കാനിരിക്കെയാണ് സംഭവം.