പ്രോത്സാഹന ധനസഹായം: അപേക്ഷ ക്ഷണിച്ചു
ജില്ലയിലെ സര്‍ക്കാര്‍/എയ്ഡഡ് വിദ്യാഭ്യാസ സ്ഥാപനങ്ങളില്‍ നിന്നും 2019-20 വര്‍ഷം ഡിഗ്രി/പി.ജി പരീക്ഷകളില്‍ ഉന്നതവിജയം കരസ്ഥമാക്കിയ പട്ടികവര്‍ഗ്ഗ വിദ്യാര്‍ത്ഥികള്‍ക്ക് പ്രോത്സാഹന ധനസഹായത്തിനായി അപേക്ഷിക്കാം. വിദ്യാര്‍ത്ഥിയുടെ പേര്, മേല്‍വിലാസം, ഫോണ്‍ നമ്പര്‍, ജാതി, കോഴ്സ്, ലഭിച്ച ഗ്രേഡ്/മാര്‍ക്ക്, കോണ്‍ടാക്ട് നമ്പര്‍, ഇ-മെയില്‍, ബാങ്ക് അക്കൗണ്ട് നമ്പര്‍ എന്നിവ രേഖപ്പെടുത്തി സ്വയം തയ്യാറാക്കിയ അപേക്ഷയാണ് സമര്‍പ്പിക്കേണ്ടത്. അപേക്ഷയോടൊപ്പം മാര്‍ക്ക് ലിസ്റ്റിന്റെയും ജാതി സര്‍ട്ടിഫിക്കറ്റിന്റെയും സാക്ഷ്യപ്പെടുത്തിയ പകര്‍പ്പും ബാങ്ക് പാസ് ബുക്കിന്റെ പകര്‍പ്പും ഉളളടക്കം ചെയ്യണം. അപേക്ഷ നവംബര്‍ 5 നകം സുല്‍ത്താന്‍ ബത്തേരി/ മാനന്തവാടി ട്രൈബല്‍ ഡെവലപ്പ്മെന്റ ഓഫീസിലോ, കല്‍പ്പറ്റ ഐ.റ്റി.ഡി.പി ഓഫീസിലോ ലഭിക്കണം. വൈകി ലഭിക്കുന്നതും, അപൂര്‍ണ്ണമായതും, സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പ് സമര്‍പ്പിക്കാത്തതുമായ അപേക്ഷകള്‍ പരിഗണിക്കുന്നതല്ല. മറ്റ് ജില്ലകളില്‍ പഠിച്ച വിദ്യാര്‍ത്ഥികളുടെ അപേക്ഷകള്‍ അതത് ജില്ലകളിലെ പട്ടികവര്‍ഗ്ഗ വികസന ഓഫീസിലാണ് സമര്‍പ്പിക്കേണ്ടത്.
Leave a Reply