കൃഷി നാശത്തിന് റവന്യൂ വകുപ്പ് നഷ്ട പരിഹാരം നല്കണണം ; കിസാന് സഭ
നെന്മേനി: നെന്മേനി, അമ്പലവയല് പഞ്ചായത്തിലെവിവിധ പ്രദേശങ്ങളില് കഴിഞ്ഞ ദിവസങ്ങളിലെ കാറ്റിലും, മഴയിലും ഉണ്ടായ വ്യാപകമായ കൃഷി നാശത്തിന് റവന്യൂ വകുപ്പ് നഷ്ട പരിഹാരം നല്കണമെന്ന് കിസാന് സഭ ആവശ്യപ്പെട്ടു. ഈ പ്രദേശങ്ങളില് കിസാന് സഭ ജില്ലാ പ്രസിഡന്റ് പി എം ജോയിയുടെ നേതൃത്വത്തില് സന്ദര്ശനം നടത്തി. നൂറ്കണക്കിന് വാഴയും റബ്ബറും, കവുങ്ങുമാണ് കാറ്റില് നിലം പൊത്തിയിരിക്കുന്നത്. വീടുകള്ക്ക് നാശനഷ്ട്ം ഉണ്ടായി. വൈദ്യുതി ബന്ധം ഈ മേഖലയില് പൂര്ണ്ണമായും വിഛേദിക്കപ്പെട്ടു. ലക്ഷക്കണക്കിന് രൂപയുടെ നാശനഷ്ടമാണ് കര്ഷകര്ക്ക് ഈ മേഖലയില് സംഭവിച്ചിരിക്കുന്നതെന്നും കിസാന് സഭ.ബത്തേരി മണ്ഡലം എല്ഡിഎഫ് കണ്വീനര് അഡ്വ. കെ ഗീവര്ഗീസിന്റെ 700 ല് പരം റബ്ബര് മരങ്ങളാണ് കാറ്റിലും മഴയിലും നശിച്ചത്. റവന്യു അധികാരികള് ഈ പ്രദേശങ്ങളില് സന്ദര്ശനം നടത്തണമെന്നും ഇവര് ആവശ്യപ്പെട്ടു കിസാന് സഭ നേതാക്കളായ സി.എം സുധീഷ്, എന് ഫാരീസ്, സതീഷ് കരടിപ്പാറ, അഡ്വ. എബി ചെറിയാന് ലെനിന് സ്റ്റീഫന്, ഇ.സി അനീഷ് കുമാര്, അമല് ശശി, എം.ആര് ശ്രീനിവാസന് തുടങ്ങിയവരും സന്ദര്ശനം നടത്തി.
Leave a Reply