ആത്മഹത്യാ പ്രേരണ കുറ്റത്തിന് കേസ് എടുക്കണമെന്ന് ഇന്ത്യൻ നാഷണൽ കോൺഗ്രസ്‌ മീനങ്ങാടി ബ്ലോക്ക്‌ നേതൃത്വം

പുൽപ്പള്ളി : ജപ്തി ഭിഷണിമൂലം അഭിഭാഷകൻ ആത്മഹത്യ ചെയ്ത സംഭവത്തിന് കാരണക്കാരായ സൗത്തിന്ത്യൻ ബാങ്ക് മാനേജർ , കേണിച്ചിറ സബ് ഇൻസ്പെകർ എന്നിവർക്കെതിരെ ആത്മഹത്യ പ്രേരണ ക്കും , ബോധപൂർവ്വമായ നരഹത്യക്കും കേസെടുക്കണമെന്ന് ഇന്ത്യൻ നാഷണൽ കോൺഗ്രസ് മിനങ്ങാടി ബ്ലോക്ക് നേത്യത്വ യോഗം ആവശ്യപ്പെട്ടു . ഡെബ്റ്റ് റിക്കവറി ട്രിബ്യൂണലിൻ്റെ പരിഗണനയിൽ ഉള്ള കേസിൽ ജില്ലയിലെ കോടതികളെ തെറ്റിദ്ദരിപ്പിച്ചാണ് ബാങ്ക് ജപ്തി അനുമതി നേടി എടുത്തത് . ജപ്തി നടപടി ആരംഭിക്കുന്നതിന് മുമ്പ് 4 ലക്ഷം രൂപ അടച്ച വ്യക്തിയെ ഉടൻ തന്നെ ജപ്തിക്ക് വിധേയമാക്കിയ ബാങ്ക് മാനേജരുടെ നടപടി ദുരൂഹമാണ് . അതുപോലെ അടച്ചിട്ട വിടിൻ്റെ പുട്ട് പൊളിച്ച് അകത്ത് കടന്ന് ജപ്തി നടത്താൻ വേണ്ട സഹായം ചെയ്യാൻ അധികാരം ഇല്ലാത്ത കേണിച്ചിറ സബ് ഇൻസ്പെക്ടർ . ആളെ കൂട്ടി വന്ന് വിടിൻ്റെ പൂട്ട് പൊളിക്കുകയും, കുടുംബത്തെ കളിയാക്കുകയും,ആത്മഹത്യക്ക് പ്രേരിപ്പിക്കുകയും ചെയത സംഭവം പരിഷ്കൃത സമൂഹത്തെ ഞെട്ടിക്കുന്നതാണ് . കോടതി ഉത്തരവിനെ ദുർവ്യാഖ്യാനം ചെയ്ത് . അധികാര ദുർവിനിയോഗം നടത്തിയ സബ് ഇൻസ്പെകടർക്കെതിരെ കർശന നടപടി സ്വീകരിക്കണം .