തിരുനെല്ലി കുംഭംവാവുബലി വ്യാഴാഴ്ച

മാനന്തവാടി: തിരുനെല്ലി മഹാവിഷ്ണു ക്ഷേത്രത്തിലെ കുംഭം വാവുബലി വ്യാഴാഴ്ച നടത്തും. രാവിലെ അഞ്ചു മുതൽ 12- വരെ പാപനാശിനിക്കരയിൽ ബലിതർപ്പണം നടക്കും. ക്ഷേത്രത്തിലെത്തുന്നവരുടെ സൗകര്യത്തിനായി കൂടുതൽ ബലിസാധന വിതരണ കൗണ്ടറുകളും വഴിപാട് കൗണ്ടറുകളും തുറക്കും. ബലിതർപ്പണത്തിനു കാർമികത്വം വഹിക്കുന്നതിനായി പാപനാശിനിക്കരയിൽ കൂടുതൽ വാധ്യാന്മാരെ നിയോഗിക്കും. ക്ഷേത്രത്തിലെത്തുന്നവർക്ക് പ്രഭാതഭക്ഷണവും അത്താഴവും സൗജന്യമായി നൽകുമെന്ന് എക്സി. ഓഫീസർ കെ.സി. സദാനന്ദൻ അറിയിച്ചു.